Samsung Galaxy A13 5G သတင်းတွေထွက်နေတာ လအနည်းငယ်ရှိပြီ ဖြစ်ပြီး အခုတော့ Bluetooth မှတ်ပုံတင်လိုက်တဲ့အတွက် ကြေညာဖို့ နီးလာပါပြီ။
Bluetooth မှတ်ပုံတင်ထားတဲ့ Website မှာ မတူညီတဲ့ နိုင်ငံတွေနဲ့ Carrier တွေအတွက် မော်ဒယ်ကုဒ် ၄ ခုကို စာရင်းတင်ထားပြီး SM-A136U, SM-A136U1, SM-A136W နဲ့ SM-S136DL တို့ ဖြစ်ပါတယ်။ အရင်ပေါက်ကြားခဲ့တဲ့ သတင်းတွေအရ SM-A136B မော်ဒယ်လည်း ရှိပြီး 4G မော်ဒယ်က SM-A135F ဖြစ်ပါတယ်။
Bluetooth SIG မှာ Samsung Galaxy A13 5G ရဲ့ Specs တွေကို မဖော်ပြထားပေမယ့် SM-A135U ကို Geekbench မှာတွေ့ခဲ့ရပြီး Dimensity 700 SoC, 4GB RAM နဲ့ Android 11 ပါမယ်လို့ ဖော်ပြထားပါတယ်။
ပေါက်ကြားနေတဲ့ သတင်းတွေအရ Samsung Galaxy A13 5G မှာ ၆.၄၈ လက်မ LCD, 5,000mAh ဘက်ထရီနဲ့ 25W Charging တွေ ပါလာနိုင်ပါတယ်။ 4GB/64GB နဲ့ 8GB/128GB Memory Configuration တွေ ထုတ်လုပ်ထားမှာ ဖြစ်ပြီး Black , White, Blue နဲ့ Red အရောင်တွေ ရွေးချယ်နိုင်မှာပါ။
ကင်မရာတွေအကြောင်းပြောရရင် 8MP ဆဲလ်ဖီး ကင်မရာ ၁ လုံးပါလာမှာ ဖြစ်ပြီး အနောက်ဘက်မှာ 50MP Main , 5MP Ultrawide နဲ့ 2MP Depth ကင်မရာ ၃ လုံး ထည့်သွင်းထားနိုင်ပါတယ်။
Galaxy A13 5G ကို အမေရိကန်မှာ ၂၉၀ ဒေါ်လာနဲ့ ရောင်းချနိုင်ပြီး မြန်မာငွေ ၅ သိန်း ၁ သောင်းလောက် ကျသင့်နိုင်ပါတယ်။ Samsung က Galaxy A13 5G ကြေညာမယ့် အချိန်ကို မပြောသေးပါဘူး။ ဒါပေမယ့် Galaxy A12 ကို အရင်နှစ် နိုဝင်ဘာလမှာ ချပြခဲ့တဲ့အတွက် Galaxy A13 4G နဲ့ 5G ကို မကြာခင် ကြေညာနိုင်ပါတယ်။
Ref : gsmarena
