Ubisoft က NFTs ပလက်ဖောင်း ဖြစ်တဲ့ Quartz ကို ဒီလ အစောပိုင်းက ကြေညာခဲ့ပြီး NFTs တွေကို နိုင်ငံတချို့မှာ စမ်းသပ်တဲ့ အနေနဲ့ ထည့်သွင်းပေးမယ့် ပထမဆုံး ဂိမ်းဟာ Tom Clancy’s Ghost Recon Breakpoint ဖြစ်တယ်လို့ ပြောထားပါတယ်။ ကြေညာထားတာ ၁ လတောင် မပြည့်သေးတဲ့အချိန်မှာ Ubisoft ရဲ့ NFTs တွေ ဘယ်လောက်အောင်မြင်သလဲ ဆိုတာ စိတ်ဝင်စားစရာကောင်းပါတယ်။
how are the ghost recon NFTs doing? I looked at the 2 3rd party marketplaces the Quartz site links and there seems to be… 15 sales total? 0 in the last day on 1 site? am i reading this right? pic.twitter.com/rWxvEW3Nrh
— Liz Edwards (@lizaledwards) December 20, 2021
Apex Legends ရဲ့ အကြီးတန်း ဇာတ်ကောင် အနုပညာရှင် Liz Edwards က Ubisoft ဟာ Objikt နဲ့ Rarible ဈေးကွက် ၂ ခုမှာ NFTs စုစုပေါင်း ၁၅ ခု ရောင်းချခဲ့ပြီးပြီလို့ ထင်ရတယ်လို့ သတင်းပေးလာပါတယ်။ 445.49 Tezos ဖိုးရောင်းချရပြီးပြီဖြစ်ပြီး လက်ရှိပေါက်ဈေးအရ ဒေါ်လာ ၁,၇၅၅.၃၀ နဲ့ ညီမျှပါတယ်။
Ubisoft ဟာ NFTs အများစုကို လက်ဆောင်လည်း ပေးနေတဲ့အတွက် ရောင်းအား နည်းပါးစေမှာ ဖြစ်ပါတယ်။ ဒါပေမယ့်လည်း Ubisoft ဟာ NFTs နယ်ပယ်ထဲ စမ်းသပ်ဝင်ရောက်တဲ့ အခြေအနေဟာ ကောင်းမွန်တယ်လို့ ပြောရမှာပါ။
Ubisoft ရဲ့ ဂိမ်းတွေကို ကစားသူတွေသာ NFTs ၁ ခုကို ဝယ်ယူနိုင်အောင် Quartz ကို ဒီဇိုင်းထုတ်ထားတာ ဖြစ်တဲ့အတွက် လူတိုင်း ဝယ်ယူလို့ မရပါဘူး။
သတင်းထောက် Stephen Totilo က Ubisoft ရဲ့ NFTs ကို Ghost Recon က Skin အတွက် ဝယ်ယူကြတာလို့ တွစ်တာမှာ ရေးသားထားပါတယ်။ ကစားချိန် နာရီပေါင်း ၆၀၀ ပြည့်မှ ယူလို့ရတဲ့ ဦးထုပ်ကိုတော့ ဘယ်သူမှ မဝယ်ယူကြသေးပါဘူး။
Ref : eurogamer.net
