Samsung ဟာ သူ့ရဲ့ Galaxy စမတ်ဖုန်းတွေကို အထူးသီးသန့် Edition တွေနဲ့လည်း ထုတ်ပေးလေ့ရှိပါတယ်။ ဥပမာပြောရရင် ၂၀၀၇ ခုနှစ်တုန်းက Beyonce – “B Phone”, Iron Man (2015) – ‘Galaxy S6 Edge Iron Man Edition’, Batman (2016) – ‘Galaxy S7 Edge Injustice Edition’, Star Wars (2020) – ‘Galaxy Note10+ 5G Star Wars Edition’, BTS (2020) – ‘Galaxy S20+ BTS Edition’ စတဲ့ Edition တွေဟာ တသသနဲ့ပြောစရာဖြစ်သလို အခုအချိန်အထိလည်း ဝယ်ချင်စရာကောင်းနေပါသေးတယ်။
အခုလည်း ပြည်တွင်းဈေးကွက်ဖြစ်တဲ့ တောင်ကိုရီးယားဈေးကွက်အတွက် Galaxy S22 Ultra ရဲ့ သီးသန့် Package Edition အချို့ကို ယူဆောင်လာဦးမယ်လို့ သိရပါတယ်။ ဒီအကြောင်းကို တွစ်တာအသုံးပြုသူ @GaryeonHan က ယူဆောင်လာခဲ့တာပါ။ သူပြောတဲ့ Edition တွေကတော့ ဂျပန် Luxury ဂေါက်ရိုက်ဝတ်စုံအမှတ်တံဆိပ် Mark & Lona နဲ့ Mercedes EQ ဗားရှင်းတွေပါပဲ။
ဒီ ဗားရှင်းနှစ်မျိုးစလုံးဟာ အထူးသီးသန့် ဆက်စပ်ပစ္စည်းတွေပါရှိတဲ့ အထူးသေတ္တာဘူးတွေနဲ့ ထွက်ရှိလာမှာလည်း ဖြစ်ပါတယ်။ Mark & Loan edition မှာတော့ သူ့ရဲ့ကိုယ်ပိုင်သိုင်းကြိုး၊ Ball marker, Protective phone cases နဲ့ Patchwork စတာတွေ ပါဝင်မှာ ဖြစ်ပါတယ်။ ပိုပြီးအသေးစိတ်ကျတဲ့ အချက်အလက်ကိုတော့ စောင့်ဆိုင်းနေရဆဲ ဖြစ်ပါတယ်။
Mercedes EQ ဗားရှင်းကတော့ ဖုန်း အမှတ်တံဆိပ်ပါ ဖုန်းအိတ်၊၊ Cardholder, Keychain နဲ့ Mercedes လိုဂိုပါတဲ့ အခြားအသုံးအဆောင်ပစ္စည်းတွေပါရှိတဲ့ ခရမ်းရောင်ခရီးဆောင်လက်ဆွဲသေတ္တာပဲ ဖြစ်ပါတယ်။ အခုမြင်တွေ့ရတာက Limited Edition တွေရဲ့ ပိုစတာရုပ်ပုံပဲဖြစ်ပြီး ဈေးနှုန်း၊ ရရှိနိုင်မှုဆိုင်ရာအချက်အလက် စတာတွေကိုတော့ မသိရသေးပါဘူး။ ဒါကြောင့် Samsung က တရားဝင်ထုတ်ပြန်တာကိုပဲ စောင့်ဆိုင်းကြရမှာ ဖြစ်ပါတယ်။
Ref: GSM Arena
