OPPO က ပြီးခဲ့တဲ့ နိုဝင်ဘာလတုန်းက Reno7 5G, Reno7 Pro 5G နဲ့ Reno7 SE 5G ကို ကြေညာခဲ့ပါတယ်။ OPPO က ဒါနဲ့တင် မကျေနပ်သေးဘဲ အခုတော့ စတုတ္ထမြောက် အဖွဲ့ဝင် Reno7 Z 5G ကို ချပြလိုက်ပါတယ်။
OPPO Reno7 Z 5G မှာ ၆.၄၃ လက်မ 60Hz FullHD+ AMOLED မျက်နှာပြင် တပ်ဆင်ထားပြီး မျက်နှာပြင် အထက် ဘယ်ဘက်မှာ 16MP ဆဲလ်ဖီး Punch Hole ကင်မရာ ၁ လုံး တည်ရှိပါတယ်။ အနောက်ဘက်ဟာ OPPO Glow ဒီဇိုင်း ဖြစ်ပြီး 64MP Main , 2MP Monochrome နဲ့ 2MP Depth ကင်မရာ ၃ လုံး ပါပါတယ်။
စမတ်ဖုန်းမှာ AI ထောက်ပံ့တဲ့ ကင်မရာ လုပ်ဆောင်ချက် တချို့ ထည့်သွင်းထားပြီး Notification ဝင်လာရင်၊ အားသွင်းထားရင် အလင်းရောင် ပြသပေးတဲ့ Dual Orbit Light ပါပါတယ်။ အဲဒီ လုပ်ဆောင်ချက်ကို Reno7 Pro 5G မှာ တွေ့ခဲ့ရပြီးပါပြီ။
OPPO Reno7 Z 5G မှာ Snapdragon 695 SoC ၊ Android 11 အခြေပြု ColorOS 12 နဲ့ 8GB RAM ပါလာပြီး Virtual RAM ကို 5GB အထိ တိုးမြှင့်နိုင်ပါတယ်။ 128GB Storage ထည့်သွင်းထားပြီး 1TB microSD Card စိုက်နိုင်ပါတယ်။
ဘေးဘက် လက်ဗွေရာ ကိရိယာ တပ်ဆင်ထားပြီး ရေစက်ရေပေါက်တွေ စိုတာ ခံနိုင်ပါတယ်။ NFC ၊ နားကြပ်ပေါက်၊ USB-C Port နဲ့ 33W Charging ထောက်ပံ့တဲ့ 4,500mAh ဘက်ထရီတွေ ပါလာပြီး OPPO က ၁၅ မိနစ်အတွင်း ၀ ကနေ ၃၁ ရာခိုင်နှုန်းနဲ့ ၆၃ မိနစ်အတွင်း ၁၀၀ ရာခိုင်နှုန်း အားသွင်းပေးနိုင်တယ်လို့ ပြောပါတယ်။
OPPO Reno7 Z 5G အတွက် Rainbow နဲ့ Black ၂ ရောင် ထုတ်လုပ်ထားပြီး ဈေးနှုန်းနဲ့ ရောင်းချမယ့် အချိန်ကို မသိရသေးပါဘူး။
Ref : gsmarena
