realme 10 4G ကို မကြာခင်က ကြေညာခဲ့ပြီး အခုတော့ 5G Version ကို ပွဲထုတ်လိုက်ပါပြီ။ realme 10 5G မှာ Dimensity 700 နဲ့ 50MP Main ကင်မရာ ပါလာပါတယ်။
၆.၆ လက်မ LCD Full HD+ မျက်နှာပြင် တပ်ဆင်ထားပြီး 90Hz Refresh Rate နဲ့ 180Hz Touch Sampling Rate ထောက်ပံ့ထားပါတယ်။ အရွယ်သေး Notch မှာ 8MP ဆဲလ်ဖီး ကင်မရာ တပ်ဆင်ထားပြီး အနောက်ဘက်မှာ 50MP Main , 2MP Macro နဲ့ Depth ကင်မရာ ၃ လုံး ပါလာပါတယ်။
realme 10 5G ရဲ့ အထူက ၈.၁ မီလီမီတာပဲ ရှိပြီး 33W Charging ပါတဲ့ 5,000mAh ဘက်ထရီ တပ်ဆင်ထားပါတယ်။ Triple Card Tray ပါပြီး SIM ၂ ကတ်နဲ့ microSD ၁ ကတ် ထည့်သွင်းနိုင်ပါတယ်။ ဘေးဘက်မှာ လက်ဗွေရာ ကိရိယာကို ပါဝါ ခလုတ်အောက်မှာ မြှပ်နှံထားပါတယ်။
Android 12 အခြေပြု realme UI 3.0 မောင်းနှင်ထားပြီး တရုတ်မှာ ရောင်းချပေးလိုက်ပါပြီ။ 8/128GB Version ကို ၁၈၂ ဒေါ်လာနဲ့ 8/256GB Version ကို ၂၂၅ ဒေါ်လာ သတ်မှတ်ထားပြီး နိုင်ငံတကာမှာ ရောင်းချမယ့် သတင်းကို မသိရသေးပါဘူး။
ကုမ္ပဏီက realme 10 4G နဲ့ realme 10 5G ကို ကြေညာပြီးပြီ ဖြစ်ပြီး realme 10 Pro နဲ့ realme 10 Pro+ ကို နိုဝင်ဘာလ ၁၇ ရက်နေ့ မိတ်ဆက်မှာပါ။
Ref : gsmarena
