Samsung Galaxy S23 Ultra ရဲ့ Specs တွေပေါက်ကြားလာပြီး ISOCELL HP2 Sensor တပ်ဆင်ထားမှာပါ။ S22 Ultra ရဲ့ တူညီတဲ့ Ultrawide, 3x & 10x Telephoto ကင်မရာတွေ ထည့်သွင်းထားမှာ ဖြစ်ပြီး Processing ပိုကောင်းလာမှာပါ။
Galaxy S23 Ultra မှာ Snapdragon 8 Gen 2 မောင်းနှင်ထားမှာ ဖြစ်ပြီး 8/12GB LPDDR5 RAM ပါလာမှာပါ။ မျက်နှာပြင်က ၆.၈ လက်မ 2X Dynamic AMOLED ဖြစ်ပြီး 1440p Resolution ရှိမှာပါ။ ၁ လက်မ ကို Pixel သိပ်သည်းဆက 500 ဖြစ်ပြီး မျက်နှာပြင်ကို Gorilla Glass Victus 2 နဲ့ ကာကွယ်ထားမှာပါ။
Galaxy S23 Ultra မှာ အရင်မျိုးဆက်မှာလို 45W Fast Charging ထောက်ပံ့တဲ့ 5,000mAh ဘက်ထရီ ပါလာမှာ ဖြစ်ပြီး Android 13 အခြေပြု One UI 5.1 မောင်းနှင်ထားမှာပါ။ ဆက်သွယ်မှု အပိုင်းမှာ Bluetooth 5.3, WiFi 6E , NFC နဲ့ UWB ပါလာမှာပါ။
Samsung က Galaxy S23 Ultra ကို ဖေဖော်ဝါရီလ ၁ ရက်နေ့ ကြေညာမှာ ဖြစ်ပြီး Black , Violet, Green နဲ့ Cream အရောင်တွေ ထုတ်လုပ်ထားမှာပါ။ အရင်နှစ်ထုတ် Galaxy S22 Ultra ရဲ့ အခြေခံ ဈေးနှုန်းက ယူရို ၁,၂၅၀ က စပြီး Samsung က ဈေးနှုန်း တိုးမြှင့်ထားမလားဆိုတာ မသိသေးပါဘူး။
Ref : gsmarena
