ဒီတစ်ပတ် အစောပိုင်းမှာ Elon Musk က Meta CEO Mark Zuckerberg နဲ့ ကြိုးဝိုင်းထဲမှာ ထိုးချင်တယ်လို့ တွစ်တာမှာ စိန်ခေါ်လိုက်ပါတယ်။ ဒါဟာ ရီစရာလို့ ထင်ခဲ့ကြပေမယ့် အခုတော့ Mark က Musk ရဲ့ စိန်ခေါ်မှုကို လက်ခံလိုက်ပါတယ်။
ဘီလီယမ်နာ ၂ ယောက်ဟာ တစ်ယောက်နဲ့ တစ်ယောက် ဟိုအရင်ကတည်းက စနောက်နေကြတာပါ။ Musk ရဲ့ စိန်ခေါ်တဲ့ Tweet ကို Mark က Screenshot ရိုက်ကာ သူ့ရဲ့ အင်စတာဂရမ် အကောင့်မှာ တင်ထားပြီး ထိုးမယ့် တည်နေရာပို့လိုက်ပါလို့ ရေးသားထားပါတယ်။
Meta ပြောရေးဆိုခွင့်ရှိသူ Iska Saric က ပွဲက အတည်ဖြစ်သွားပြီလို့ ဝင်နောက်ပါသေးတယ်။ သူက ဒါဟာ ရာစုနှစ်ရဲ့ အထင်ကရ လက်ဝှေ့ပွဲ ဖြစ်လာမယ်လို့ ပြောပါတယ်။ Musk ကလည်း Mark ရဲ့ ပို့စ်ကို တုန့်ပြန်တဲ့ အနေနဲ့ Vegas Octagon မှာ ထိုးမယ်လို့ ပြောလိုက်ပါတယ်။ Tesla နဲ့ SpaceX CEO ဟာ အတည်ပေါက်ကြီးနဲ့ ပြောနေပုံရပါတယ်။
လက်ရှိမှာတော့ အဲဒီပွဲမှာ ဘယ်သူ နိုင်မလဲ ဆိုတာ ခန့်မှန်းလို့ မသေးပါဘူး။ စာဖတ်ပရိတ်သတ်ကြီးလည်း ဘယ်သူနိုင်မလဲ ဆိုတာ ဝင်ရောက်ဆွေးနွေးငြင်းခုန်သွားကြပါဦး။
Ref : gizmochina
