Domino က အင်္ဂလန်က နာမည်ကြီး Glastonbury ဂီတပွဲတော်မှာ မိုးပျံလူသားနဲ့ ပီဇာတွေ လိုက်ပို့ပေးနေပါတယ်။ မိုးပျံလူသား ဆိုတာ ကတော့ မိုးပေါ်ပျံနိုင်တဲ့ Jetpack ဝတ်ဆင်ထားတဲ့ လူ ဖြစ်ပါတယ်။
Domino ရဲ့ လက်ထောက် PR မန်နေဂျာ Sam Wilson က “ နှစ်တိုင်း ပွဲတော်လာသူတွေက ပီဇာ စားချင်တယ်လို့ တောင်းဆိုကြပါတယ်။ အဲဒီအတွက် ဒီနှစ်မှာ မိုးပျံလူသားနဲ့ ပီဇာတွေ လိုက်ပို့ပေးနေတာ ဖြစ်ပါတယ်။ ကျွန်တော်တို့ရဲ့ ဖောက်သည်တွေ ဒီဝန်ဆောင်မှုကို ကျေနပ်ကြမယ်လို့ ထင်ပါတယ်။” လို့ ပြောပါတယ်။
ပွဲတော်လာသူတွေက မိုးပျံလူသားနဲ့ ပီဇာပို့ပေးတာကို သဘောကျနေကြပါတယ်။ ပွဲတော်လာသူ Natalie Dixon က “ Glasto မှာ မိုးပျံလူသားကို မြင်ရတာ အရမ်းမိုက်ပါတယ်။ Jet Suit ကို အရင်က တစ်ခါမှ မမြင်ဖူးပါဘူး။ အခုတော့ အဲဒါနဲ့ ပီဇာလိုက်ပို့တာကိုပါ မြင်လိုက်ရပါပြီ။ အနာဂတ်မှာ ကျွန်မ အိမ်ရှေ့ကို မိုးပျံလူသားက ပီဇာလာပို့တာကို မြင်ချင်ပါတယ်။” လို့ ပြောပါတယ်။
အဲဒီ Jetpack ကို Gravity Industries က တီထွင်ထားတာ ဖြစ်ပြီး ဒေါ်လာ ၄၈၃,၀၀၀ တန်ကြေးရှိပါတယ်။ Jetpack ထိပ်မှာ ပီဇာထည့်တဲ့ ပုံး တပ်ဆင်ထားပြီး တစ်ပြိုင်နက်ထဲ ပီဇာ ၂ ခု သယ်ဆောင်နိုင်ပါတယ်။ Domino က မကြာခင်မှာ တခြား နေရာတွေမှာလည်း မိုးပျံလူသားနဲ့ ပီဇာလိုက်ပို့မလား ဆိုတာ မသိရသေးပါဘူး။
စားသောက်ဆိုင်တွေဟာ သမားရိုးကျ ကား၊ ဆိုင်ကယ်၊ စက်ဘီးတွေနဲ့ အစားအစာတွေ လိုက်ပို့တာအပြင် မောင်းသူမဲ့ ကားတွေနဲ့ပါ ပို့ဆောင်ပေးနေကြပါတယ်။ Domino ရဲ့ မိုးပျံလူသားနဲ့ အစားအစာ ပို့ဆောင်ပေးတာက ကမ္ဘာ့ ပထမဆုံးလို့ ပြောနိုင်ပါတယ်။
Ref : yahoo
