ပြီးခဲ့တဲ့ ရက်ပိုင်းကပဲ ပြင်သစ်ရဲ့ အမျိုးသား Frequency အေဂျင်စီ (ANFR) က ဥရောပ သမဂ္ဂက သတ်မှတ်ထားတာထက်ပိုတဲ့ လျှပ်စစ် သံလိုက်လှိုင်းတွေ ထုတ်လွှင့်တဲ့အတွက် iPhone 12 ရောင်းချတာကို ပိတ်ပင်ခဲ့ပါတယ်။ Specific Absorption Rate (SAR) ဟာ သတ်မှတ် ပမာဏထက် ကျော်လွန်နေလို့ဖြစ်ပါတယ်။
အေဂျင်စီက အဲဒီ ပြဿနာကို လျှင်မြန်စွာ ဖြေရှင်းဖို့ Apple ကို ပြောခဲ့ပါတယ်။ ဒါမှမဟုတ်ရင် ပြင်သစ်မှာ ရောင်းချထားတဲ့ iPhone 12 အားလုံးကို ပြန်လည် ရုတ်သိမ်းဖို့ ပြောခဲ့ပါတယ်။ အခုတော့ Apple က အဲဒီ ပြဿနာကို Software Update နဲ့ ဖြေရှင်းပေးမယ်လို့ တုန့်ပြန်လိုက်ပါတယ်။
Apple ရဲ့ Software Update ဟာ ဘယ်လို အလုပ်လုပ်မလဲ ဆိုတာ မသိရသေးပါဘူး။ ဒါပေမယ့် Apple က ပြင်သစ် အေဂျင်စီရဲ့ စိုးရိမ်ပူပန်မှုတွေကို ပြေပျောက်စေမယ်လို့ ယုံကြည်ထားပါတယ်။
ဘယ်လ်ဂျီယမ်၊ ဂျာမနီနဲ့ အီတလီက အာဏာပိုင်တွေကလည်း ဥရောပ သမဂ္ဂ တစ်ခုလုံးမှာ ဒီပြဿနာကို ဖြေရှင်းပေးဖို့ Apple ကို တောင်းဆိုထားပါတယ်။ ပြင်သစ် အစိုးရက Apple က Software Update ကို ဖြန့်ချိပြီးနောက်မှာ iPhone 12 ကို ထပ်မံ စမ်းသပ်မယ်လို့ ပြောပါတယ်။ သတ်မှတ် SAR ပမာဏကို မကျော်ရင် iPhone 12 ကို ပြင်သစ်မှာ ပြန်လည် ရောင်းချခွင့်ပေးမှာ ဖြစ်ပါတယ်။
Ref : gsmarena
