iPhone 15 Series ထွက်ထားတာ လအနည်းငယ်ပဲ ရှိသေးပေမယ့် iPhone 16 Series ရဲ့ သတင်းအချက်အလက်တွေ စတင် ပေါက်ကြားနေပါပြီ။ အခုတော့ ၂၀၂၅ ခုနှစ်ကျမှ ထွက်မယ့် iPhone 17 Pro Max ရဲ့ သတင်းတွေ ပေါက်ကြားထွက်ပေါ်လာပါတယ်။
Apple ရဲ့ Supply Chain နဲ့ ပတ်သက်တဲ့ ကုမ္ပဏီတွေအကြောင်း လေ့လာဆန်းစစ်တဲ့ Jeff Pu က iPhone 17 Pro Max မှာ နောက်ထွက်မယ့် Apple Vision Pro Headset နဲ့ တွဲဖက် သုံးရာမှာ ကောင်းမွန်တဲ့ 48MP Periscope Telephoto ကင်မရာ ၁ လုံး ပါလာမယ်လို့ ပြောပါတယ်။
သူက တွဲဖက် သုံးရင် ဘယ်လို အားသာချက်တွေ ရှိမလဲဆိုတာနဲ့ ပတ်သက်ပြီး အသေးစိတ် သတင်းအချက်အလက်တွေကို မပြောပါဘူး။ iPhone 15 Pro နဲ့ iPhone 15 Pro Max တို့ဟာ iOS 17.2 က စတင်ကာ 3D Depth နဲ့ Spatial Video တွေ ရိုက်ကူးနိုင်ပြီး Vision Pro မှာ ကြည့်နိုင်ပါတယ်။
iPhone 16 Pro မှာ 48MP Ultrawide ကင်မရာ ပါလာနိုင်ပြီး iPhone 15 Pro မှာလည်း 48MP Main ကင်မရာ တပ်ဆင်ထားပါတယ်။ အဲဒီအတွက် iPhone 17 Pro Max ဟာ အနောက်ဘက်မှာ 48MP ကင်မရာ ၃ လုံးပါတဲ့ Apple ရဲ့ ပထမဆုံး iPhone ဖြစ်လာနိုင်ပါတယ်။
iPhone 17 Pro Max ကို ကြေညာဖို့ ၂ နှစ်နီးပါးလိုသေးတဲ့အတွက် အခု သတင်းအချက်အလက်တွေဟာ ရာနှုန်းပြည့်မှန်ကန်မယ်လို့ မပြောနိုင်ပါတယ်။ အဲဒီကာလအတွင်း ပြောင်းလဲမှုများစွာ ဖြစ်လာနိုင်ပါတယ်။
ref : gsmarena
