Google ပိုင်တဲ့ Waymo ရဲ့ မောင်းသူမဲ့ တက္ကစီ ၁ စီးဟာ ဆန်ဖရန်စစ္စကိုမှာ စက်ဘီးသမား ၁ ယောက်ကို ဝင်တိုက်ခဲ့ပါတယ်။ ကံကောင်းတာက စက်ဘီးသမားဟာ ဒဏ်ရာ အနည်းငယ်ပဲရခဲ့ပါတယ်။ အဲဒီမတော်တဆမှု ဖြစ်ပြီးနောက်မှာ Waymo က ရဲဌာနနဲ့ သက်ဆိုင်ရာ အာဏာပိုင်တွေထံ ဆက်သွယ်ခဲ့ပြီး ဘာကြောင့် ကားတိုက်ခဲ့တာလဲဆိုတာ ရှင်းပြခဲ့ပါတယ်။
Waymo ရဲ့ မောင်းသူမဲ့ ကားဟာ လမ်းစုံမှာ ရပ်နားထားခဲ့ပါတယ်။ တစ်ခြားလမ်းမှ ထရပ်ကား ၁ စီးက မောင်းသူမဲ့ ကားရှိတဲ့လမ်းထဲ ချိုးဝင်လာခဲ့ပါတယ်။ ပြဿနာက မောင်းသူမဲ့ ကားဟာ ထရပ်ကားပြီးရင် သူ့ အလှည့်လို့ ထင်ပြီး မောင်းထွက်သွားခဲ့ပါတယ်။ ဒါပေမယ့် ထရပ်ကားအနောက်က စက်ဘီးသမားကို မမြင်ခဲ့ဘဲ ဝင်တိုက်ခဲ့တာ ဖြစ်ပါတယ်။
မောင်းသူမဲ့ ကားက စက်ဘီးသမားကို အချိန်နောက်ကျမှ မြင်ခဲ့လို့ ဘရိတ်အုပ်ခဲ့ပေမယ့် မရှောင်လွှဲနိုင်ခဲ့ဘူးလို့ Waymo က ရှင်းပြပါတယ်။ စက်ဘီးသမားဟာ ဒဏ်ရာအနည်းငယ်ပဲရခဲ့တဲ့အတွက် ဆေးရုံ မသွားခဲ့ဘဲ အခင်းဖြစ်ရာကနေ ထွက်ခွာသွားပါတယ်။ အမှုဖွင့်တာမျိုးလည်း မရှိခဲ့ပါဘူး။
Waymo ဟာ ဆန်ဖရန်စစ္စကိုမှာ မောင်းသူမဲ့ တက္ကစီ များစွာနဲ့ ဝန်ဆောင်မှုပေးနေပြီး App ကနေ ကားငှားတာ၊ ကားခပေးတာတွေ ပြုလုပ်နိုင်ပါတယ်။ ကုမ္ပဏီဟာ လော့စ်အင်ဂျလိစ်မှာလည်း မောင်းသူမဲ့ တက္ကစီ ဝန်ဆောင်မှုကို တိုးချဲ့ဖို့ ကြိုးစားနေပါတယ်။
Ref : electrek
