Boeing က သူ့ရဲ့ ကုမ္ပဏီခွဲ Wisk Aero ဟာ ၂၀၃၀ ခုနှစ်မှာ မောင်းသူမဲ့ တက္ကစီ လေယာဉ်နဲ့ ခရီးသည် ပို့ဆောင်ပေးမယ်လို့ ပြောပါတယ်။ တက္ကစီ လေယာဉ်တွေဟာ မြို့တော်တွေမှာ ကားလမ်းပိတ်တဲ့ ပြဿနာကို ဖြေရှင်းပေးနိုင်ပါတယ်။
Wisk Aero ရဲ့ CEO Brian Yutko က မောင်းသူမဲ့ တက္ကစီ လေယာဉ်ကို ၂၀၃၀ ခုနှစ်မှာ ဝန်ဆောင်မှုပေးနိုင်အောင် ကြိုးစားနေပြီး အမေရိကန် အစိုးရထံကနေ ခွင့်ပြုချက်ရအောင် လုပ်ဆောင်နေတယ်လို့ ပြောပါတယ်။ သူက လေယာဉ်ရဲ့ အစိတ်အပိုင်းတွေကို လက်ရှိမှာ စမ်းသပ် ထုတ်လုပ်နေပြီး ဒီနှစ်ကုန်မှာ စမ်းသပ် မောင်းနှင်ဖို့ ရည်ရွယ်ထားတယ်လို့ ပြောပါတယ်။
Wisk Aero ဟာ လက်ရှိမှာ ဆဌမ မျိုးဆက် လေယာဉ်ကို တည်ဆောက်နေပြီး ခရီးသည် ၄ ယောက်နဲ့ ခရီးဆောင်အိတ်တွေကို သယ်ဆောင်နိုင်ပါတယ်။ အဲဒီ Generation 6 မှာ ခရီးသည် ဘေးကင်းစေတဲ့ သယ်ယူပို့ဆောင်ရေး စနစ်နဲ့ အဆင့်မြင့် မောင်းသူမဲ့ နည်းပညာကို ထည့်သွင်းထားပါတယ်။
တစ်ခါအားအပြည့်သွင်းထားရင် မိုင် ၉၀ (၁၄၄ ကီလိုမီတာ) မောင်းနှင်နိုင်ပါတယ်။ ၁ နာရီကို ၁၃၈ မိုင် အမြန်နှုန်းနဲ့ ပေ ၄,၀၀၀ အမြင့်အထိ ပျံသန်းနိုင်ပါတယ်။ eVTOL အမျိုးအစား ဖြစ်ပြီး မြေပြင် ကနေ ဝေဟင် ၊ ဝေဟင် ကနေ မြေပြင်ကို ဒေါင်လိုက် အတက် အဆင်းလုပ်နိုင်ပါတယ်။
Ref : interestingengineering
