Samsung ဟာ တန်ဖိုးနည်းတဲ့ Z Series Lineup ကို ရောင်းချမယ်လို့ သတင်းထွက်နေတာ ကြာပြီ ဖြစ်ပြီး စာအုပ်စတိုင် Foldable ဖြစ်တဲ့ Z Fold မဟုတ်တာ သေချာသလောက်နီးပါး ရှိနေပါပြီ။ အခုတော့ Samsung ဟာ နောက်နှစ် ဧပြီလမှာ Galaxy S25 Slim နဲ့အတူ Z Flip FE Clamshell ကို ကြေညာမယ်လို့ သတင်းထွက်လာပါတယ်။
Z Flip FE ရဲ့ Specs နဲ့ ဈေးနှုန်း သတင်းအချက်အလက် မထွက်ပေါ်လာသေးပါဘူး။ Samsung ဟာ Fold နဲ့ Flip စမတ်ဖုန်းတွေကို အတူတကွ ကြေညာလေ့ရှိတဲ့အတွက် Galaxy Z Fold7 နဲ့ Z Flip7 ကို အတူကြေညာနိုင်ပါတယ်။
Samsung ဟာ နောက်နှစ်မှာ Folds ၂ လုံးကို ကြေညာမယ်လို့ သတင်းထွက်နေပြီး အဲဒီအထဲမှာ တန်ဖိုးနည်း FE မော်ဒယ် ပါလာမလားဆိုတာ မသိရသေးပါဘူး။ ဖြစ်နိုင်တာက Z Fold6 ရဲ့ မျိုးဆက်သစ် Galaxy Z Fold7 နဲ့ Z Fold Special Edition အသစ်ကို ကြေညာနိုင်ပါတယ်။
Samsung ရဲ့ Galaxy Z Flip Series ဟာ တန်ဖိုးကြီးမားတဲ့အတွက် လူတော်တော်များများ မကိုင်နိုင်ပါဘူး။ Samsung က တန်ဖိုးနည်း Galaxy Z Flip FE ကို နောက်နှစ်မှာ ရောင်းချမယ့် သတင်းဟာ Samsung ရဲ့ Clamshell ဖုန်းကို ဈေးသက်သက်သာသာနဲ့ကိုင်ချင်သူတွေအတွက် သတင်းကောင်း ဖြစ်ပါတယ်။
Ref : gsmarena
