Xiaomi Fan တစ်ယောက်ဟာ သူ့ချစ်သူ ကောင်မလေးကို Limited-edition Xiaomi 15 Diamond Edition နဲ့ လက်ထပ်ခွင့်တောင်းခဲ့တဲ့ ကြည်နူးစရာ ဖြစ်ရပ်တစ်ခု ဖြစ်ပွားခဲ့ပါတယ်။ အဲဒီ ဖြစ်ရပ်ဟာ အွန်လိုင်းမှာ လူပေါင်းများစွာရဲ့ အသည်းနှလုံးကို ဖမ်းယူနိုင်ခဲ့ရုံသာမက Xiaomi CEO Lei Jun ရဲ့ အာရုံစိုက်မှုကို ရခဲ့ပါတယ်။
လက်ထပ်ခွင့်တောင်းခံရတဲ့ ကောင်မလေးက လူမှုကွန်ရက်မှာ “ Lei Jun ရေ၊ Xiaomi 15 Diamond Edition ဟာ အလွန် သုံးလို့ ကောင်းပါတယ်။ ကျွန်မ ချစ်သူ ကောင်လေးက အဲဒီဖုန်းနဲ့ လက်ထပ်ခွင့်တောင်းခဲ့ပါတယ်။ ကျွန်မတို့ နှစ်ယောက်စလုံးဟာ Xiaomi Fans တွေ ဖြစ်ပြီး အလွန် ပျော်ရွှင်နေပါတယ်။ “ လို့ ရေးသားခဲ့ပါတယ်။ Lei Jun က အဲဒီ လက်ထပ်ခွင့်တောင်းတဲ့ ဖြစ်ရပ်ကို အထင်ကြီးလေးစားခဲ့ပြီး ကွန်းမန့် ရေးသားကာ ဂုဏ်ပြုခဲ့ပါတယ်။ Lei Jun က ပန်း Emoji လေးကိုလည်း နှိပ်ပေးခဲ့ပါတယ်။
အဲဒီ စုံတွဲက “ ဘုရားရေ၊ တကယ် Lei Jun ပါပဲ။ အလွန်ပျော်ပါတယ်။ ဂုဏ်ပြုတဲ့အတွက် ကျေးဇူးပါတယ်။ အမြဲတမ်း သင့်ကို အားပေးနေပါတယ်။ “ လို့ တုန့်ပြန်ခဲ့ပါတယ်။
Xiaomi ဟာ ပြီးခဲ့တဲ့လကုန်မှာ Xiaomi 15 Series ကို ကြေညာခဲ့ပြီး တန်ဖိုးကြီး Xiaomi 15 Diamond Edition လည်း ပါပါတယ်။ အဲဒီဖုန်းမှာ မတူညီတဲ့ ဒြပ်ထုတွေနဲ့ ဒီဇိုင်းကို အသုံးပြုထားပါတယ်။ အနောက်ဘက်ကို မိကျောင်း သားရေနဲ့ တည်ဆောက်ထားပြီး တကယ့် စိန် တစ်လုံး တပ်ဆင်ထားပါတယ်။
ကင်မရာ Island ကို ပရီမီယမ် ဒီဇိုင်းဖြစ်အောင် ဖန်တီးထားပါတယ်။ 16/512GB ထုတ်လုပ်ထားပြီး ၈၃၆ ဒေါ်လာ သတ်မှတ်ထားပါတယ်။ Elephant Grey, Orange နဲ့ Glacier White အရောင်ထုတ်လုပ်ထားပါတယ်။ Limited Edition ဖြစ်ပြီး တရုတ် ပြင်ပမှာ ရောင်းချမလားဆိုတာ မသိရသေးပါဘူး။
Ref : gizmochina
