ကျန်းမာရေး နည်းပညာ ကုမ္ပဏီ Masimo က SpO2 (သွေးတွင်းအောက်ဆီဂျင် ပမာဏတိုင်းတာတဲ့) Sensor ပါတဲ့ Apple Watch တွေမှာ သူ့ရဲ့ နည်းပညာကို အသုံးပြုထားတယ်လို့ တရားစွဲထားတဲ့အတွက် အမေရိကန်မှာ Apple Watch ရောင်းချခွင့်ကို ပိတ်ပင်ထားပါတယ်။
အခုတော့ Apple က အမေရိကန် အခွန်ဌာနက Apple ဟာ အပြစ်ရှိကြောင်း မဆုံးဖြတ်ရသေးခင်မှာ Apple Watch ရောင်းချခွင့်ပေးဖို့ အမေရိကန် အယူခံ တရားရုံးမှာ လျှောက်ထားလိုက်တဲ့အတွက် Apple Watch ရောင်းချခွင့် ပိတ်ပင်ထားတာကို ယာယီ ရပ်နားပေးလိုက်ပါတယ်။
အရင်က Apple ဟာ Watch Series 9 နဲ့ Watch Ultra 2 တို့ကို အွန်လိုင်းနဲ့ မြေပြင်စတိုးတွေကနေ ရောင်းချလို့ မရခဲ့ဘဲ Third-party စတိုးတွေကတော့ ပစ္စည်းလက်ကျန်ရှိတဲ့အထိ ရောင်းချခွင့်ရခဲ့ပါတယ်။ အခုတော့ ရောင်းချခွင့် ပိတ်ပင်ထားတာကို ယာယီ ရပ်နားလိုက်တဲ့အတွက် Apple ဟာ တရားရုံး အမိန့်ချမယ့် ၂၀၂၄ ခုနှစ် ဇန်နဝါရီလ ၁၂ ရက်နေ့အထိ စမတ်နာရီတွေကို ရောင်းချခွင့်ရသွားပါတယ်။
အမေရိကန် အခွန်ဌာနက SpO2 Sensor ပါတဲ့ Apple ရဲ့ စမတ်နာရီတွေကို ရောင်းချခွင့် ထာဝရ ပိတ်ပင်သွားမလားဆိုတာ ဆက်လက်စောင့်ကြည့်ရမှာပါ။ ဒီအတောအတွင်းမှာတော့ Apple ဟာ စမတ်နာရီတွေကို ဆက်လက်ရောင်းချခွင့်ရနေဦးမှာ ဖြစ်ပါတယ်။
Ref : gsmarena
