Apple က အိမ်သုံး AI စက်ရုပ်လက်ထောက်တွေ ဖန်တီးနေတယ်ဆိုတဲ့အကြောင်း ကြားရတာ ဒါ ပထမဆုံးအကြိမ်တော့ မဟုတ်ပါဘူး။ ပြီးခဲ့တဲ့ မေလတုန်းက ထွက်ခဲ့တဲ့ သတင်းတစ်ခုမှာ ကုမ္ပဏီက စမတ်စက်ရုပ်နှစ်မျိုးကို ဖန်တီးနေပြီး တစ်မျိုးမှာ စက်ရုပ်လက်တံ ပါတယ်လို့ ဖော်ပြခဲ့ပါတယ်။ Bloomberg ရဲ့ သတင်းအသစ်က အရင်ကပေါက်ကြားခဲ့တဲ့ သတင်းကို အခြေခံပြီး ရေးထားတာ ဖြစ်ပါတယ်။
တွေ့ရှိချက်အသစ်တွေအရ Apple ဟာ စက်ရုပ်စီမံကိန်းတစ်ခုတည်း မဟုတ်ဘဲ အများအပြားကို လုပ်ဆောင်နေတယ်ဆိုတာ အတည်ပြုနိုင်ပါတယ်။ သုံးစွဲသူတွေအတွက် အထူးစိတ်ဝင်စားစရာကောင်းမယ့် တစ်ခုကတော့ လူတွေရဲ့ အပြန်အလှန်တုံ့ပြန်မှုကို သဘာဝကျကျ တုံ့ပြန်နိုင်တဲ့ စက်ရုပ်လက်တံပါတဲ့ iPad နဲ့ဆင်တူတဲ့ ကိရိယာတစ်ခု ဖြစ်ပါတယ်။ အဲဒီစက်ရုပ်က သူ့ကိုစကားပြောနေတဲ့သူဘက်ကိုတောင် လှည့်ကြည့်နိုင်ပါတယ်။
အဲဒီစက်ရုပ်ငယ်လေးက FaceTime ခေါ်ဆိုနေတဲ့အချိန်မှာ လူကို ခြေရာခံပြီး ကင်မရာဘောင်ထဲမှာ အမြဲရှိနေအောင် လုပ်ပေးနိုင်မှာ ဖြစ်ပါတယ်။
Siri ကြောင့် အဲဒီကိရိယာက သက်ရှိတစ်ယောက်လို ခံစားရမှာ ဖြစ်ပါတယ်။ သတင်းတွေအရ Apple ဟာ ပိုပြီးသဘာဝကျကျ စကားပြောဆိုနိုင်ပြီး စကားဝိုင်းထဲကို ဝင်ရောက်ပြောဆိုနိုင်တဲ့ Siri ဗားရှင်းအသစ်ကို ဖန်တီးနေတယ်လို့ ဆိုပါတယ်။ ဥပမာအနေနဲ့ လူနှစ်ယောက် ညစာစားဖို့ အစီအစဉ်ဆွဲနေတဲ့အခါမှာ စက်ရုပ်က အနီးအနားကနေရာတစ်ခုကို ယဉ်ကျေးစွာ အကြံပြုနိုင်ပါတယ်။
လူတချို့က Apple ဟာ macOS က Finder logo အပြုံးမျက်နှာကို သုံးမယ်လို့ ယုံကြည်နေကြပြီး အဲဒါက လူတွေနဲ့ ပိုရင်းနှီးစေပြီး အခန်းထဲမှာ “ရှိနေတယ်” ဆိုတဲ့ ခံစားချက်ကို ပေးမှာဖြစ်ပါတယ်။ Apple ရဲ့ စက်ရုပ်စီမံကိန်းတွေမှာ ဟာ့ဒ်ဝဲ၊ ဆော့ဖ်ဝဲ၊ AI နဲ့ interface ဒီဇိုင်းအဖွဲ့တွေ အများအပြား ပါဝင်နေပြီး Apple ရဲ့ smartwatch ဆော့ဖ်ဝဲနဲ့ မော်တော်ကားစီမံကိန်းတွေမှာ ပါဝင်မှုကြောင့် လူသိများတဲ့ Kevin Lynch က အဓိက ဦးဆောင်နေတယ်လို့ ဆိုပါတယ်။
Apple က အဲဒီစီမံကိန်းတွေကို တကယ်လုပ်ဆောင်နေနိုင်ပေမဲ့ မအောင်မြင်ခဲ့တဲ့ Project Titan လို့ခေါ်တဲ့ Apple ရဲ့ မထုတ်ဖြစ်ခဲ့တဲ့ကားလိုပဲ အဲဒီစီမံကိန်းတွေထဲက တစ်ခုခု တကယ်ထွက်လာမယ်လို့ အာမခံချက်မရှိဘူးဆိုတာကိုတော့ သတိပြုရမှာ ဖြစ်ပါတယ်။ ဒါပေမဲ့ AI တက်ဘလက်လက်တံကတော့ တကယ်ဖြစ်လာနိုင်ခြေရှိတဲ့ ထုတ်ကုန်တစ်ခုလို့ ထင်ရပါတယ်။
Ref : gsmarena
