Jefferies ရဲ့ လေ့လာဆန်းစစ်သူတွေက Apple ရဲ့ ရောင်းအားဟာ တရုတ်မှာ ကျဆင်းနေပြီး ၂၀၂၄ ခုနှစ်မှာလည်း ဆက်လက် ကျဆင်းနိုင်တယ်လို့ ပြောကြောင်း Bloomberg က ရေးသားထားပါတယ်။ iPhone 15 Series ဟာ အစောပိုင်းကတည်းက ရောင်းအားမကောင်းဘဲ အရင်နှစ်ကထက် ရောင်းအား ၃၀ ရာခိုင်နှုန်း ကျဆင်းခဲ့ပါတယ်။
Huawei ကတော့ Mate 60 Series ကြောင့် တရုတ်မှာ ရောင်းအားကောင်းနေပြီး မိခင် နိုင်ငံမှာ အလွန်အောင်မြင်နေတယ်ဆိုတာ သက်သေပြနေပါတယ်။
Huawei Mate 60 Pro ကို ကြေညာအပြီး ၂ ပတ်အကြာမှာ iPhone 15 Series ကို မိတ်ဆက်ခဲ့တာ ဖြစ်ပါတယ်။ လေ့လာဆန်းစစ်သူတွေက တရုတ်ထုတ် Processor ပါတဲ့ Huawei ရဲ့ စွမ်းရည်မြင့် စမတ်ဖုန်းကို မျိုးချစ်စိတ်ကြောင့် တရုတ် လူမျိုးတွေက ဝယ်ယူခဲ့တာ ဖြစ်ပါတယ်လို့ သုံးသပ်ပါတယ်။ ကုမ္ပဏီက အဲဒီ Processor အကြောင်းကိုတော့ မပြောသေးပါဘူး။
Jefferies က Huawei ဟာ ဖုန်း အလုံးရေ ၃၅ သန်း ရောင်းချနိုင်ခဲ့ပြီး Supply တချို့ မပြတ်တောက်ရင် ဒီထက်ပိုရောင်းအားကောင်းမယ်လို့ တွက်ချက်ထားပါတယ်။
Apple ကတော့ ၂၀၂၃ ခုနှစ်မှာ တရုတ်မှာ ရောင်းအား ကျဆင်းခဲ့သလို ၂၀၂၄ ခုနှစ်မှာလည်း ရောင်းအား ဆက်လက် ကျဆင်းမယ်လို့ လေ့လာဆန်းစစ်သူတွေက ပြောပါတယ်။
Ref: gsmarena
