တန်ဖိုးကြီး ကား ထုတ်လုပ်သူ Bentley က စက်တင်ဘာလမှာ Genesis Bentley NFT အမည်ရ Limited Collection NFT ၁ ခုကို ဖြန့်ချိမယ်လို့ ကြေညာလိုက်ပါတယ်။ Bentley Design က ဖန်တီးထားတဲ့ အဲဒီ Collection မှာ Token ၂၀၈ ခု ပါဝင်မှာပါ။
အဲဒီ ဂဏန်းကို ကျပန်း ရွေးချယ်ထားတာ မဟုတ်ပါဘူး။ ၂၀၈ ဟာ Continental GT Speed မော်ဒယ်ရဲ့ Speed Limit ဖြစ်ပြီး နာမည်ကြီး 1952 R-Type Continental ကို ထုတ်လုပ်ထားတဲ့ အစီးရေ ဖြစ်ပါတယ်။
Token တွေကို Polygon Network ကနေ ဖြန့်ချိမယ်လို့ သတင်းထွက်နေပါတယ်။ ဒီဆုံးဖြတ်ချက်ဟာ ၂၀၃၀ ခုနှစ်မှာ ကာဘွန်ထုတ်လုပ်မှု လုံးဝ မရှိစေရဆိုတဲ့ ကုမ္ပဏီရဲ့ မူဝါဒနဲ့ ကိုက်ညီနေပါတယ်။ Genesis Bentley NFT ပိုင်ရှင်တွေဟာ အထူး ဆုတွေကို ရရှိမှာပါ။
ကုမ္ပဏီရဲ့ ဒါရိုက်တာ တစ်ယောက် ဖြစ်တဲ့ Alain Favey က “ Bentley ရဲ့ ဖောက်သည်တွေဟာ အွန်လိုင်းမှာ နေထိုင်နေကြပြီး တန်ဖိုးကြီး ကုန်ပစ္စည်းတွေကို ဒစ်ဂျစ်တယ် ငွေကြေးတွေနဲ့ ဝယ်ယူနေကြပါတယ်။ Metaverse ထဲမှာလည်း အလုပ်တွေလုပ်နေကြပါတယ်။ NFT ဟာ အနုပညာရှင်တွေအတွက် အကျိုးကျေးဇူး ဖြစ်ထွန်းတယ်ဆိုတာ မြင်ခဲ့ကြရပြီးပါပြီ။ တန်ဖိုးကြီး ကား နယ်ပယ်မှာလည်း အလားတူ ဖြစ်လာနိုင်တယ်လို့ ယုံကြည်ပါတယ်။ “ လို့ ပြောပါတယ်။
Bentley ဟာ NFC, Online Gaming , Metaverse အပါအဝင် NFT တွေကို အသုံးချနိုင်တဲ့ နည်းလမ်းတွေကို ရှာဖွေနေပြီး ကုမ္ပဏီမှာ Blockchain နည်းပညာကို အသုံးပြုဖို့ စဉ်းစားနေပါတယ်။
Ref : ihodl
