ကမ္ဘာ့အကြီးမားဆုံး Cryptocurrency ဖြစ်တဲ့ Bitcoin ရဲ့ တန်ဖိုးဟာ ဒီဇင်ဘာလ ၅ ရက်နေ့က ဒေါ်လာ ၁ သိန်းကျော်သွားပါတယ်။ ဒါဟာ သမိုင်းတစ်လျှောက် ပထမဆုံး အကြိမ် အမြင့်ဆုံး ဈေးနှုန်းကို ရောက်လာတာ ဖြစ်ပါတယ်။ အမေရိကန် သမ္မတ အဖြစ် ရွေးကောက်ခံထားရတဲ့ ဒေါ်နယ်ထရမ့်ဟာ ဒစ်ဂျစ်တယ် ငွေကြေးကို ထောက်ခံအားပေးမယ်လို့ ပြောထားပြီး သူ့ကြောင့် Bitcoin ဈေးတွေ တက်လာတာလို့ ထင်မြင်ယူဆချက်တွေ ရှိနေပါတယ်။
အခု စာရေးနေတဲ့အချိန်အထိ Bitcoin တစ်ခုရဲ့ တန်ဖိုးဟာ ဒေါ်လာ ၁၀၂,၃၈၈.၄၆ ဖြစ်နေတယ်လို့ Coinmarketcap ရဲ့ ဒေတာမှာ ဖော်ပြထားပါတယ်။
ဒါဟာ Bitcoin ကို စတင်ဖန်တီးပြီး ၁၆ နှစ်အတွင်းမှာ ဈေးနှုန်း အမြင့်မားဆုံးကို ရောက်လာတာ ဖြစ်ပါတယ်။ Bitcoin ဈေးနှုန်းဟာ နှစ်ပေါင်းများစွာ အတွင်း အတက်၊ အကျများစွာ ရှိခဲ့ပြီး ၂၀၂၂ ခုနှစ်မှာ အနိမ့်ဆုံး အနေနဲ့ ဒေါ်လာ ၁၆,၀၀၀ ရှိခဲ့ပါတယ်။
အဲဒီနောက်ပိုင်းမှာ Bitcoin တန်ဖိုးဟာ ၂ ဆကျော် မြင့်မားခဲ့ပါတယ်။ နိုဝင်ဘာလ ၅ ရက်နေ့မှာ အမေရိကန် ရွေးကောက်ပွဲမှာ ဒေါ်နယ်ထရမ့် အနိုင်ရပြီးနောက် Bitcoin တန်ဖိုးဟာ ၄၅ ရာခိုင်နှုန်းတောင် တက်လာခဲ့ပါတယ်။
Ref: Livemint
