Lenovo က CES 2025 မှာ Rollable Display ပါတဲ့ ThinkBook Plus Gen 6 Laptop ကို ပြသလိုက်ပါတယ်။ 14 Inch OLED Display ကို အသုံးပြုနေရင်း ခလုတ် တစ်ချက်နှိပ်လိုက်တာနဲ့ သို့မဟုတ် Webcam ကို လက်ဝှေ့ယမ်းပြလိုက်တာနဲ့ 16.7 Inch Display အဖြစ် ဆန့်ထုတ်ပေးမှာ ဖြစ်ပါတယ်။ Hinge မှာ အရွယ်သေး မော်တာတွေ တပ်ဆင်ထားပြီး ၁၀ စက္ကန့်အတွင်း ဆန့်ထုတ်ပေးပါတယ်။
14 Inch Display မှာ 2000×1600 Resolution ရှိပြီး ဆန့်ထုတ်လိုက်ရင် 2000×2350 ဖြစ်လာပါတယ်။ 120Hz Refresh Rate နဲ့ 400 Nits Brightness ပါပါတယ်။ AI Features တွေ ထည့်သွင်းထားပြီး Multitasking လုပ်ချင်သူတွေအတွက် အသုံးဝင်ပါတယ်။
Laptop မှာ Intel ရဲ့ နောက်ဆုံးထုတ် Core Ultra 7 Series 2 Processor ထည့်သွင်းထားပြီး 32GB RAM နဲ့ 1TB SSD Storage အထိ ပါပါတယ်။ ဆက်သွယ်မှု အပိုင်းမှာ Thunderbolt 4 Port ၂ ခုနဲ့ နားကြပ်ပေါက် ၁ ခု ပါပါတယ်။
ဒီဇိုင်းလန်းသလို ဈေးကလည်း မသေးပါဘူး။ တန်ဖိုးအနည်းဆုံး မော်ဒယ်ကို ၃,၄၉၉ ဒေါ်လာ သတ်မှတ်ထားပါတယ်။ ဒီနှစ်နှောင်းပိုင်းမှာ ရောင်းချမှာ ဖြစ်ပါတယ်။
Ref : msn
