Elon Musk နဲ့ အီတလီဝန်ကြီးချုပ် Giorgia Meloni တို့ အကြည်ဆိုက်နေတဲ့ ဓါတ်ပုံ ထွက်ပေါ်လာပြီး သူတို့ နှစ်ယောက် တွဲနေတယ်လို့ သတင်းထွက်လာပါတယ်။
Giorgia Meloni ဟာ အီတလီရဲ့ ပထမဆုံး အမျိုးသမီး ဝန်ကြီးချုပ် ဖြစ်ပြီး Musk နဲ့ သူမတို့ ဒီတစ်ပတ်ထဲမှာ ပြုလုပ်တဲ့ အခမ်းအနားတစ်ခုမှာ တွေ့ဆုံခဲ့ကြပါတယ်။ Musk က Atlantic Council Thinktank မှ ချီးမြှင့်တဲ့ Global Citizen Award ကို သူမအားပေးအပ်ခဲ့ပါတယ်။
အဲဒီ ဓါတ်ပုံဟာ အင်တာနက်မှာ ပျံ့နှံ့သွားခဲ့ပြီး လူတစ်ယောက်က ဘာဆက်ဖြစ်မလဲ ဆိုတာ သိနေတယ်လို့ မှတ်ချက်ပြုထားပါတယ်။ ဒါဟာ အချစ်ရေးမှာ စွံတဲ့ Musk ကို လှောင်ပြောင်ထားတာ ဖြစ်ပါတယ်။
ဒါပေမယ့် Musk က “ အဲဒီမှာ ကျွန်တော့် အမေလည်း ပါပါတယ်။ အီတလီဝန်ကြီးချုပ် Meloni နဲ့ ချစ်ကြိုက်မှု မရှိပါဘူး။” လို့ X လူမှုကွန်ရက်မှာ ဖြေရှင်းထားပါတယ်။
Meloni ဟာ အဲဒီပွဲမှာ သူမကို ဆုပေးအပ်ဖို့ Musk ကို တောင်းဆိုခဲ့တာ ဖြစ်ပါတယ်။ Musk ဟာ ပြီးခဲ့တဲ့နှစ် ဇွန်လနဲ့ ဒီဇင်ဘာလမှာ Meloni နဲ့ တွေ့ဆုံဖို့ အီတလီကို ၂ ကြိမ် လာရောက်ခဲ့ပါတယ်။
Ref : sky news
