၂၀၁၆ ခုနှစ်မှာ Facebook ရဲ့ Satellite တွေကို သယ်ဆောင်တဲ့ SpaceX ရဲ့ ဒုံးပျံဟာ Landing Pad မှာပဲ ပေါက်ကွဲခဲ့ပါတယ်။ အဲဒီအချိန်ကတည်းက Elon Musk နဲ့ ဇူဇူတို့ရဲ့ ဇာတ်လမ်းက စတင်ခဲ့တာပါ။ မကြာခင်ကပဲ ဇူဇူဟာ Musk ရဲ့ X (တွစ်တာ)ကို ယှဉ်ပြိုင်မယ့် Threads ကို ဖြန့်ချိလိုက်တဲ့အတွက် အမုန်းတရားတွေ ပိုဆိုးလာခဲ့ပါတယ်။
ဇွန်လမှာ အဆိုးဆုံး အခြေအနေကို ရောက်သွားပြီး Musk က ကြိုးဝိုင်းထဲမှာ ထိုးဖို့ ဇူဇူကို စိန်ခေါ်ခဲ့ပါတယ်။ ဇူဇူကလည်း နေရာပြောပါဆိုပြီး သဘောတူခဲ့ပါတယ်။
ပြီးခဲ့တဲ့ တစ်ပတ်မှာ ဇူဇူက ဒီလ ၂၆ ရက်နေ့မှာ ထိုးမယ်လို့ ပြောခဲ့ပါတယ်။ အဲဒီနေ့မှာပဲ Musk က “ ဘယ်နေ့ ထိုးမလဲ ဆိုတာ မသေချာသေးပါဘူး။ လည်ပင်းနဲ့ နောက်ကျောကို မနက်ဖြန် MRI စစ်ဆေးရဦးမှာပါ။ မထိုးခင်မှာ ခွဲစိတ်မှု လိုကောင်းလိုမှာပါ။ ဒီတစ်ပတ်ထဲ အဖြေသိရမှာပါ။” လို့ ပြောခဲ့ပါတယ်။
The fight will be managed by my and Zuck’s foundations (not UFC).
Livestream will be on this platform and Meta. Everything in camera frame will be ancient Rome, so nothing modern at all.
I spoke to the PM of Italy and Minister of Culture. They have agreed on an epic location.
— Elon Musk (@elonmusk) August 11, 2023
Musk က ၁၁ ရက်နေ့မှာ “ ထိုးပွဲကို UFC မဟုတ်ဘဲ ကျွန်တော်နဲ့ ဇူကာဘတ်ရဲ့ ဖောင်ဒေးရှင်းကနေ စီမံခန့်ခွဲမှာပါ။ X နဲ့ Meta ရဲ့ ပလက်ဖောင်းတွေကနေ တိုက်ရိုက် ပြသမှာပါ။ ရောမမှာ ရိုက်ကူးမှာ ဖြစ်တဲ့အတွက် ခေတ်မီ ကြိုးဝိုင်းတွေကို မြင်ရမှာ မဟုတ်ပါဘူး။ အီတလီ ဝန်ကြီးချုပ်နဲ့ ယဉ်ကျေးမှု ဝန်ကြီးကို ပြောပြီးပါပြီ။ သူတို့က လက်ခံ သဘောတူညီပြီးပါပြီ။” လို့ ပြောပါတယ်။
Musk က အီတလီမှာ ထိုးမယ်လို့ ပြောပေမယ့် တည်နေရာ အတိအကျကို မပြောပါဘူး။ အရင်ကတော့ Colosseum မှာ ထိုးမယ်လို့ သတင်းထွက်ခဲ့ပါသေးတယ်။
Ref : thestreet
