အမေရိကန် ပြည်ထောင်စု University of California, Santa Cruz က အင်ဂျင်နီယာတွေက Pulse-Fi ဆိုတဲ့ စနစ်တစ်ခုကို ဖန်တီးလိုက်ပါတယ်။ အဲဒီစနစ်က နေ့စဉ်သုံး WiFi signal တွေကို အသုံးပြုပြီး နှလုံးခုန်နှုန်းတွေကို စောင့်ကြည့်ပေးနိုင်ပါတယ်—ကိုယ်ပေါ်မှာ ဝတ်ဆင်ရတဲ့ ပစ္စည်းတွေ လုံးဝ မလိုအပ်ပါဘူး။
ဒီစနစ်က နှလုံးခုန်မှုကြောင့် ဖြစ်ပေါ်လာတဲ့ WiFi လှိုင်းတွေရဲ့ သေးငယ်တဲ့ ပြောင်းလဲမှုတွေကို ခွဲခြမ်းစိတ်ဖြာပြီး အလုပ်လုပ်တာ ဖြစ်ပါတယ်။ Machine learning နည်းပညာနဲ့အတူ၊ လှုပ်ရှားမှု ဒါမှမဟုတ် ပတ်ဝန်းကျင်က အနှောင့်အယှက် (noise) တွေကို စစ်ထုတ်ပြီး နှလုံးခုန်နှုန်းကို တိတိကျကျ တိုင်းတာပေးပါတယ်။
လူ ၁၁၈ ယောက်နဲ့ စမ်းသပ်မှုတွေမှာ Pulse-Fi ရဲ့ တိုင်းတာမှုတွေက သမားရိုးကျ စောင့်ကြည့်ရေး ကိရိယာတွေနဲ့ တူညီနေခဲ့ပြီး၊ ငါးစက္ကန့်အကြာမှာပဲ တစ်မိနစ်ကို နှလုံးခုန်နှုန်း တစ်ဝက် (half a beat) သာရှိတဲ့ မှားယွင်းနိုင်ခြေအထိ တိကျခဲ့ပါတယ်။ ပါဝင်စမ်းသပ်သူတွေက ထိုင်နေတာ၊ ရပ်နေတာ၊ လှဲလျောင်းနေတာ၊ ဒါမှမဟုတ် လမ်းလျှောက်နေတာပဲ ဖြစ်ဖြစ်၊ ၁၀ ပေ အကွာအဝေးအထိတောင် ဒီစနစ်က တိကျစွာ အလုပ်လုပ်ခဲ့ပါတယ်။
၅ ဒေါ်လာတန် ESP32 chip တွေနဲ့ ဒေါ်လာ ၃၀ တန် Raspberry Pi board တွေလို ကုန်ကျစရိတ်နည်းတဲ့ hardware တွေပေါ်မှာ တည်ဆောက်ထားတာကြောင့် Pulse-Fi က ဈေးနှုန်းသက်သာပေမယ့် အလွန်အမင်း တိကျမှု မြင့်မားပါတယ်။
အခုအခါမှာတော့ သုတေသနအဖွဲ့က ဒီစနစ်ကို အသက်ရှူနှုန်းပါ တိုင်းတာနိုင်တဲ့အထိ တိုးချဲ့ဖို့ လုပ်ဆောင်နေပြီး၊ ဒါက sleep apnea (အိပ်စက်ရင်း အသက်ရှူရပ်တဲ့) ရောဂါလို အခြေအနေတွေကို ရှာဖွေသိရှိဖို့ အထောက်အကူ ပေးနိုင်မှာ ဖြစ်ပါတယ်။
Ref : Technology Innovation
