ရောင်းအား အဆိုးရွားဆုံး ထိုးကျမှုတွေနဲ့ အရည်အသွေးဆိုင်ရာ ပြဿနာတွေကို ရင်ဆိုင်နေရတဲ့ Tesla ဟာ Cybertruck ရဲ့ ဝယ်လိုအားကို မြှင့်တင်ဖို့အတွက် ကြီးမားတဲ့ စီမံကိန်းတစ်ခုကို ပြုလုပ်လာပါတယ်။ အဲဒါကတော့ လက်ရှိ Tesla ကားပိုင်ရှင်တွေ Cybertruck ဝယ်ယူပါက ဒေါ်လာ ၁၂,၀၀၀ တန်ဖိုးရှိတဲ့ Full Self-Driving (FSD) ဆော့ဖ်ဝဲကို အခမဲ့ သုံးစွဲခွင့် ပေးတာပဲ ဖြစ်ပါတယ်။
ဒီလို လူကြိုက်များတဲ့ feature ကို Cybertruck အတွက် အမြဲတမ်း သုံးခွင့်ပေးတာဟာ ဒါ ပထမဆုံးအကြိမ်ဖြစ်ပြီး၊ ယခင်နှစ် အလားတူကာလနဲ့ နှိုင်းယှဉ်ရင် ရောင်းအား ၅၀.၈% အထိ ထိုးကျသွားချိန်မှာ ကုမ္ပဏီအနေနဲ့ အတော်လေး အကျပ်ရိုက်နေပြီဆိုတာကို ပြသနေပါတယ်။
Tesla ဟာ ဈေးအကြီးအကျယ်လျှော့ချတာတွေ၊ Supercharging အခမဲ့ပေးတာတွေလိုမျိုး တခြားအရောင်းမြှင့်တင်ရေး အစီအစဉ်တွေ လုပ်ဆောင်နေပေမယ့်၊ အလွန်အမြတ်အစွန်းများတဲ့ FSD ဆော့ဖ်ဝဲကို စတေးလိုက်ခြင်းအားဖြင့် အမြင်နှစ်ခြမ်းကွဲနေပြီး စွမ်းဆောင်ရည်ညံ့ဖျင်းတဲ့ ဒီလျှပ်စစ် ကားကို ကယ်တင်နိုင်ပါ့မလားဆိုတာကိုတော့ လေ့လာသုံးသပ်သူတွေက မေးခွန်းထုတ်နေကြပါတယ်။
Ref : Fossbytes
