Google က သူတို့ရဲ့ Gemini App နဲ့ Google Search မှာ ပိုပြီးမြန်ဆန်သွက်လက်တဲ့ Gemini 3 Flash မော်ဒယ်သစ်ကို ထည့်သွင်းပေးလိုက်ပြီဖြစ်ကြောင်း ကြေညာလိုက်ပါတယ်။

အခုအသစ်ထွက်ရှိလာတဲ့ Gemini 3 Flash ဟာ အရင်ကထက် အဖြေပေးနိုင်စွမ်း ပိုမြန်လာရုံတင်မကဘဲ အချက်အလက်တွေကို နားလည်သဘောပေါက်နိုင်စွမ်းလည်း ပိုကောင်းလာပါတယ်။ ဒါကြောင့် အသုံးပြုသူတွေအနေနဲ့ မေးခွန်းတွေမေးတာ၊ အချက်အလက်ရှာဖွေတာ ဒါမှမဟုတ် စာတိုပေးပို့တာတွေ လုပ်တဲ့အခါမှာ စောင့်ဆိုင်းရချိန် အများကြီးလျော့နည်းသွားမှာ ဖြစ်ပါတယ်။

အဲဒီ Gemini 3 Flash မော်ဒယ်ကို Google Search မှာလည်း ပေါင်းစပ်လိုက်တာကြောင့် ရှုပ်ထွေးတဲ့ မေးခွန်းတွေကို မေးရင်တောင် ခဏလေးအတွင်းမှာ အလိုအလျောက် အကျဉ်းချုပ်ပေးနိုင်တဲ့ AI Overviews စနစ်ကို ပိုပြီး ကောင်းမွန်အောင် လုပ်ဆောင်ပေးသွားမှာပါ။ အခုဆိုရင် Gemini App ကို အသုံးပြုနေတဲ့သူတွေအနေနဲ့ ဒီထူးခြားတဲ့ မြန်နှုန်းမြင့် နည်းပညာကို အခမဲ့ စတင်ပြီး စမ်းသပ်သုံးစွဲနိုင်ပြီ ဖြစ်ပါတယ်။

Google ရဲ့ ဒီခြေလှမ်းဟာ AI နည်းပညာကို နေ့စဉ်ဘဝမှာ ပိုပြီး အဆင်ပြေပြေနဲ့ မြန်မြန်ဆန်ဆန် သုံးနိုင်အောင် ဖန်တီးပေးလိုက်တာလည်း ဖြစ်ပါတယ်။

Ref : Google Gemini