Google ဟာ Pixel 10 series ကို မိတ်ဆက်တာနဲ့အတူ ဒီနေ့မှာ Google Photos အတွက် လုပ်ဆောင်ချက်အသစ်တစ်ခုကိုလည်း ကြေညာခဲ့ပါတယ်။ ဒီလအစောပိုင်းက ကောလာဟလထွက်ခဲ့တဲ့အတိုင်း အဲဒီ app မှာ အခုဆိုရင် စကားပြောပုံစံနဲ့ AI သုံး ဓါတ်ပုံတည်းဖြတ်နိုင်တဲ့စနစ် ပါဝင်လာပါတယ်။ ဒီလုပ်ဆောင်ချက်ကို အမေရိကန်နိုင်ငံမှာရှိတဲ့ Pixel 10 ဖုန်းတွေမှာ အရင်ဆုံး ရရှိမှာ ဖြစ်ပါတယ်။
ဒီလုပ်ဆောင်ချက်က Photos editor မှာ သင်လုပ်ချင်တဲ့ တည်းဖြတ်မှုတွေကို စာနဲ့ဖြစ်စေ၊ အသံနဲ့ဖြစ်စေ ရိုးရိုးလေး ဖော်ပြခွင့်ပေးပြီး အဲဒီနောက်မှာတော့ အပြောင်းအလဲတွေဟာ မျက်လှည့်ပြလိုက်သလို ပေါ်လာမှာ ဖြစ်ပါတယ်။
ဒါဟာ Google ရဲ့ Gemini AI နဲ့ အလုပ်လုပ်တာကတော့ ထင်ရှားပါတယ်။ သုံးရတာလည်း လွယ်ကူပါတယ်။ သင်က ဘယ် tools တွေကို သုံးချင်တယ်ဆိုတာ ပြောပြဖို့မလိုပါဘူး။ သင် ပုံမှန်ပြောနေကျအတိုင်း ပြောလိုက်ရုံနဲ့ ကျန်တာတွေကို AI က တာဝန်ယူသွားမှာ ဖြစ်ပါတယ်။
Google က ပေးထားတဲ့ ဥပမာတွေမှာ “နောက်ခံက ကားတွေကို ဖယ်ရှားပေး”၊ “ဒီပုံအဟောင်းကို ပြန်ပြင်ပေး”၊ “အလင်းပြန်တာတွေဖယ်ပြီး အရောင်လွင့်နေတာကို ပြင်ပေး” ဒါမှမဟုတ် “ပိုကောင်းအောင် လုပ်ပေး” ဆိုတာမျိုးတွေ ပါဝင်ပါတယ်။ သင်ဘာလိုချင်လဲ မသိတဲ့အခါတွေအတွက် အကြံပြုချက်တွေလည်း ပေးထားပါတယ်။ တည်းဖြတ်မှုတစ်ခုပြီးတိုင်းမှာ သင့်စိတ်ကြိုက်ဖြစ်အောင် နောက်ဆက်တွဲ ညွှန်ကြားချက်တွေကို ထပ်ထည့်နိုင်ပါတယ်။ နောက်ခံကို ပြောင်းတာ၊ ပစ္စည်းတွေ ထပ်ထည့်တာတွေလည်း လုပ်နိုင်ပြီး ကန့်သတ်ချက်မရှိဘဲ မေးလိုက်ရုံပါပဲ။
Ref : gsmarena
