Google က Translate App မှာ ဘာသာစကား အသစ် ၁၁၀ ကို ထောက်ပံ့ပေးလိုက်တယ်လို့ ကြေညာလိုက်ပါတယ်။ အရင်က ဘာသာစကား ၁၁၃ မျိုးကို ထောက်ပံ့ပေးထားပြီး အခုတစ်ခေါက်က ဘာသာစကား အများဆုံး ထောက်ပံ့ပေးလာတာ ဖြစ်ပါတယ်။
Google က ဘာသာစကား အသစ် ၁၁၀ မှာ ဆော့ဖ်ဝဲကို လေ့ကျင့်ပေးဖို့ PaLM 2 AI Language Model ကို အသုံးပြုထားပါတယ်။ အဲဒီ AI က ဘာသာစကား ၁ ခုနဲ့ တခြား ၁ ခု ဆက်စပ်မှုကို လေ့ကျင့်သင်ကြားရာမှာ အလွန်တော်ပါတယ်။ ဥပမာ အနေနဲ့ Hindi, Awadhi , Marwadi, Seychellois Creole နဲ့ Mauritian Creole French Creoles တို့တွေအကြားမှာ ဘာသာပြန်ပေးတာကို ကျွမ်းကျင်ပါတယ်။
အခု Update အသစ်မှာ Cantonese ကို ထောက်ပံ့ပေးထားပြီး Google က နှစ်များစွာအကြာ တောင်းဆိုမှုအများဆုံး ဘာသာစကား ဖြစ်တယ်လို့ ပြောပါတယ်။ ဒါပေမယ့် Cantonese ဟာ Mandarin နဲ့များစွာ တူညီနေပြီး AI Model ကို လေ့ကျင့်ပေးဖို့ ဒေတာ ရှာရတာ ခက်ခဲတယ်လို့ Google က ပြောပါတယ်။
Google က အသစ် ထည့်သွင်းပေးလိုက်တဲ့ ဘာသာစကား ၂၅ ရာခိုင်နှုန်းဝန်းကျင်ဟာ အာဖရိက ဘာသာစကားတွေ ဖြစ်တယ်လို့ ပြောပါတယ်။
Ref : gsmarena
