Honor ဟာ သူတို့ရဲ့ Magic V5 ခေါက်ဖုန်းရဲ့ ကြံ့ခိုင်မှုကို စဉ်ဆက်မပြတ် ပြသနေပါတယ်။ ကုမ္ပဏီက အဲဒီဖုန်းဟာ မိုးသည်းထန်စွာရွာသွန်းမှု၊ အလွန်ပြင်းထန်တဲ့ အပူချိန်တွေနဲ့ သံမဏိဘောလုံးတွေနဲ့ ပစ်ခတ်တာကိုတောင် ခံနိုင်ရည်ရှိတယ်ဆိုတာကို သရုပ်ပြခဲ့ပြီး ဖြစ်ပါတယ်။ အခုအခါမှာတော့ Magic V5 ဟာ သူ့ရဲ့ ကြံ့ခိုင်မှုကို ထပ်မံအတည်ပြုဖို့အတွက် ဂင်းနစ်ကမ္ဘာ့စံချိန်သစ်တစ်ခုကို ရယူပြီး နောက်တစ်ဆင့်တက်လှမ်းလိုက်ပါတယ်။
Honor Magic V5 ဟာ တွဲလောင်းချထားတဲ့ ခေါက်ဖုန်းတစ်လုံးက မနိုင်တဲ့ အလေးဆုံးအလေးချိန်အတွက် ဂင်းနစ်ကမ္ဘာ့စံချိန်တင်လိုက်ပါတယ်။ တရားဝင်မှတ်တမ်းအရ အဲဒီစမတ်ဖုန်းဟာ ၁၀၄ ကီလိုဂရမ်ကို မနိုင်ခဲ့ပါတယ်။
၈၄ ကီလိုဂရမ်ရှိတဲ့ ရေခဲသေတ္တာတစ်လုံးနဲ့ ကီလို ၂၀ အလေးချိန်ရှိတဲ့ အလေးပြားတွေကို Magic V5 ရဲ့ အလယ်ဗဟိုမှာ အဝတ်ကြိုးတစ်ချောင်းသုံးပြီး ချည်နှောင်ခဲ့ကာ သူ့ရဲ့ ‘Super Steel Hinge’ ရဲ့ ခိုင်ခံ့မှုကို ပြသခဲ့ပါတယ်။
အဲဒီဖုန်းပေါ်က ပတ္တာဟာ အကြိမ် ၅၀၀,၀၀၀ အထိ ခေါက်တာကို ခံနိုင်ရည်ရှိတယ်လို့လည်း ဆိုပါတယ်။ ကုမ္ပဏီရဲ့အဆိုအရ ပတ္တာရဲ့ ဆွဲဆန့်နိုင်အားဟာ 2300MPa ရှိပါတယ်။
Honor Magic V5 မှာ Snapdragon 8 Elite SoC ကို တပ်ဆင်ထားပြီး ၇.၉၅ လက်မ flexible AMOLED Full HD+ display ပါဝင်ပါတယ်။ အဲဒီဖုန်းမှာ ၆.၄၃ လက်မ AMOLED အပြင်ဘက်မျက်နှာပြင်၊ 5,820 mAh ဘက်ထရီ (နိုင်ငံတကာဗားရှင်း) နဲ့ 64 MP periscope telephoto sensor ပါတဲ့ ကင်မရာသုံးလုံးတွဲ နောက်ကင်မရာစနစ်တို့ ပါဝင်ပါတယ်။ အဲဒီခေါက်ဖုန်းဟာ ၂၁၇ ဂရမ် အလေးချိန်ရှိပြီး ခေါက်ထားချိန်မှာ ၈.၈ မီလီမီတာပဲ ထူပါတယ်။
Ref : gsmarena
