Honor က Foldable ဖုန်းတွေနဲ့အတူ MagicPad 2 တက်ဘလက်ကို ကြေညာလိုက်ပါတယ်။ 12.3” OLED Display ကို အသုံးပြုထားပြီး 144Hz Refresh Rate , 3000x1920p Resolution နဲ့ 1,600 Nits Peak Brightness ထောက်ပံ့ထားပါတယ်။ Blue Light ကြောင့် မျက်လုံးထိခိုက်မှုကို လျှော့ချပေးတဲ့ TUV Rheinland စံနှုန်း ပါပါတယ်။
တက်ဘလက်ရဲ့ အထူက ၅.၈ မီလီမီတာပဲ ရှိပြီး 66W Wired Charging ထောက်ပံ့တဲ့ 10,050mAh Battery ထည့်သွင်းထားပါတယ်။ အနောက်ဘက်မှာ 13MP နဲ့ အရှေ့ဘက်မှာ 9MP ကင်မရာ တပ်ဆင်ထားပါတယ်။
Snapdragon 8s Gen 3 Chipset မောင်းနှင်ထားပြီး AI Features တွေထည့်သွင်းထားပါတယ်။ Android 14 အခြေပြု MagicOS 8.0 ပါလာပြီး Multitasking Features တွေ ထည့်သွင်းထားပါတယ်။ Magic Pen 3 Stylus နဲ့ တွဲဖက် အသုံးပြုနိုင်ပြီး Bluetooth 5.3 နဲ့ WiFi 6 ထောက်ပံ့ထားပါတယ်။
White, Black နဲ့ Cyan အရောင်တွေ ထုတ်လုပ်ထားပြီး 8/256GB, 12/256GB နဲ့ 16GB/1TB Version တွေ ပါပါတယ်။ တန်ဖိုးအနည်းဆုံး မော်ဒယ်ကို ၄၀၀ ဒေါ်လာနဲ့ တန်ဖိုး အများဆုံး မော်ဒယ်ကို ၅၈၀ ဒေါ်လာ သတ်မှတ်ထားပါတယ်။ တရုတ်မှာ ဒီလ ၁၉ ရက်နေ့ စတင် ရောင်းချမှာပါ။
Ref : gsmarena
