Honor က ပြီးခဲ့တဲ့ အောက်တိုဘာလမှာ Play 40 Plus ကို ကြေညာခဲ့ပြီး ၁ နှစ်အကြာမှာ နောက်မျိုးဆက် Honor Play 50 Plus ကိုချပြလိုက်ပါတယ်။
Honor Play 50 Plus မှာ Dimensity 6020 SoC မောင်းနှင်ထားပြီး Android 13 အခြေပြု MagicOS 7.2 ပါပါတယ်။ 256GB Storage ထည့်ထားပြီး 8GB နဲ့ 12GB RAM Option ၂ မျိုး ရွေးချယ်နိုင်ပါတယ်။ 6.8” 90Hz FullHD+ LCD မျက်နှာပြင် တပ်ဆင်ထားပြီး မျက်နှာပြင် အလယ်က Punch Hole မှာ 8MP ဆဲလ်ဖီး ကင်မရာ ပါလာပါတယ်။
အနောက်ဘက် ကာဗာဟာ Samsung Galaxy S22 ,, S22+ နဲ့ ဆင်တူပြီး အရွယ်ကြီး စက်ဝိုင်းပုံ Ring ၂ ခုထဲမှာ Flash နဲ့ 50MP Main, 2MP Depth ကင်မရာတွေ ထည့်ထားပါတယ်။ 35W Charging ထောက်ပံ့တဲ့ 6,000mAh Battery ပါလာပါတယ်။
Honor Play 50 Plus မှာ ဘေးဘက်လက်ဗွေရာ ကိရိယာ၊ စပီကာ ၂ လုံးနဲ့ Hi-Res Audio Support တွေ ပါပါတယ်။ နားကြပ်ပေါက်၊ USB-C Port နဲ့ 5G ဆက်သွယ်မှု ထည့်သွင်းထားပါတယ်။
Honor Play 50 Plus အတွက် အရောင် ၄ မျိုး ထုတ်လုပ်ထားပြီး 12/256GB ကို ၁၉၅ ဒေါ်လာ သတ်မှတ်ထားပါတယ်။ တရုတ်မှာ Honor ရဲ့ တရားဝင် ဝက်ဘ်ဆိုက်ကနေ ဝယ်ယူနိုင်ပြီ ဖြစ်ပြီး Honor က 8/256GB ရဲ့ ဈေးနှုန်းကို မပြောသေးပါဘူး။
Ref : gsmarena
