HP က CES 2021 မှာ ထုတ်ကုန် အသစ်များစွာကို ကြေညာလိုက်ပြီး ကပ်ရောဂါ ကာလမှာ အိမ်ကနေ အလုပ်လုပ်လို့ ကောင်းအောင် အဓိက ဖန်တီးထားပါတယ်။ HP Elite Dragonfly G2 နဲ့ Elite Dragonfly Max တို့ဟာ လက်ပ်တော့လိုရော တက်ဘလက်လိုပါ သုံးနိုင်ပြီး ပေါ့ပါးပါတယ်။ ၁၃.၃ လက်မ မျက်နှာပြင် ၊ Intel 11th Gen Processor နဲ့ Tile Tracking နည်းပညာတွေ ထည့်သွင်းထားပြီး 5G နဲ့ 4G LTE မော်ဒယ်တွေ ထုတ်လုပ်ထားပါတယ်။
HP Elite Dragonfly Max မှာ 1080p မျက်နှာပြင်၊ 5MP Webcam (IR Sensor ပါတဲ့) ၊ မိုက်ကရိုဖုန်း ၄ လုံး ထည့်သွင်းထားပြီး လုံခြုံရေးအတွက် Webcam ကို ပိတ်ထားနိုင်တဲ့ Option ပါပါတယ်။ Elite Dragonfly G2 မှာ Intel 11th Gen i3, i5 , i7 နဲ့ Elite Dragonfly Max မှာ i5 , i7 တွေ ရွေးချယ်နိုင်ပါတယ်။ ၂ လုံးစလုံးအတွက် 32GB RAM နဲ့ 2TB SSD Storage အထိ ရွေးချယ်နိုင်ပြီး USB-C 3.1 Charging Port ၁ ခု၊ USB-C Thunderbolt 3 ၂ ခုနဲ့ HDML 1.b Port ၁ ခု တပ်ဆင်ထားပါတယ်။
HP Dragonfly G2 နဲ့ Elite Dragonfly Max တို့ကို ဒီလနှောင်းပိုင်း ရောင်းမှာ ဖြစ်ပြီး HP က ဈေး မပြောသေးပါဘူး။ ဒေါ်လာ ၁,၅၀၀ လောက်ရှိမယ့်အတွက် ဈေး မြောက်မှာပါ။
HP က Surface Pro ကို ယှဉ်ဖိုက်မယ့် Elite Filio ကိုလည်း ကြေညာလိုက်ပြီး ၁၃.၅ လက်မ FullHD မျက်နှာပြင် ၊ Gen 2 Snapdragon 8cx Processor တွေ ထည့်သွင်းထားပါတယ်။ 5G ထောက်ပံ့ထားပြီး 16GB RAM နဲ့ 512GB Storage အထိ ရွေးချယ်နိုင်ပါတယ်။ ဘက်ထရီသက်တမ်းက ၁ ရက်လုံး ကောင်းကောင်း သုံးနိုင်တာက ကျေနပ်စရာ ဖြစ်ပြီး နောက်လမှာ ရောင်းမှာပါ။
Ref : gsmarena
