Huawei က Enjoy 60 Series စမတ်ဖုန်းတွေကို ၁ လုံးပြီး ၁ လုံး ကြေညာနေပါတယ်။ Enjoy 60 ကို မတ်လမှာ ကြေညာခဲ့ပြီး ပြီးခဲ့တဲ့လက 7,000mAh Battery ပါတဲ့ Enjoy 60X ကို မိတ်ဆက်ခဲ့ပါတယ်။ အခုတော့ Huawei က Enjoy 60 Pro အမည်ရ စမတ်ဖုန်း အသစ် ၁ လုံးကို ချပြလိုက်ပြီး Snapdragon 680 Chip မောင်းနှင်ထားပါတယ်။
Enjoy 60 Pro ဟာ စွမ်းရည်သင့် စမတ်ဖုန်း ဖြစ်ပြီး အနောက်ဘက်နဲ့ ဘေးဘက်က ပြားချပ်တဲ့ ဒီဇိုင်း ဖြစ်ပါတယ်။ အနောက်ဘက်မှာ ကင်မရာတွေ တပ်ဆင်ထားတဲ့ အရွယ်ကြီး Ring ၂ ခု ပါပါတယ်။ အရှေ့ဘက်မှာ ဆဲလ်ဖီး ကင်မရာကို မျက်နှာပြင် အထက် အလယ်က Punch Hole မှာ ထည့်သွင်းထားပါတယ်။ မျက်နှာပြင်ဘေးဘောင်တွေက အလွန်ပါးလွှာပြီး ဖုန်း ၁ ခုလုံးရဲ့ ဒီဇိုင်းက လှပပါတယ်။
Huawei Enjoy 60 Pro မှာ 6.8” LCD 2388x1080p မျက်နှာပြင် တပ်ဆင်ထားပြီး 90Hz Refresh Rate ပါပါတယ်။ 40W Fast Charging ထောက်ပံ့တဲ့ 5,000mAh Battery ပါပါတယ်။ အရှေ့ဘက်မှာ 8MP ဆဲလ်ဖီး ကင်မရာနဲ့ အနောက်ဘက်မှာ 50MP Main , 2MP ကင်မရာ ၂ လုံး တပ်ဆင်ထားပါတယ်။ အထူက ၈.၅၅ မီလီမီတာနဲ့ အလေးချိန်က ၁၉၃ ဂရမ် ရှိပြီး Mint Green , Gold Black နဲ့ Galaxy Silver အရောင်တွေ ထုတ်လုပ်ထားပါတယ်။ လုံခြုံရေးအတွက် ဘေးဘက်လက်ဗွေရာ ကိရိယာ တပ်ဆင်ထားပါတယ်။
Huawei Enjoy 60 Pro အတွက် 8/128GB နဲ့ 8/256GB Version တွေ ထုတ်လုပ်ထားပြီး ၂၂၇ ဒေါ်လာ၊ ၂၅၅ ဒေါ်လာ အသီးသီး သတ်မှတ်ထားပါတယ်။ တရုတ်မှာ ကြိုတင်မှာယူနိုင်ပြီ ဖြစ်ပါတယ်။
Ref: gizmochina
