Infinix ရဲ့နောက်ဆုံးထွက်စမတ်ဖုန်းဖြစ်တဲ့ Hot 60 Pro+ ဟာ ထူးခြားတဲ့ ကမ္ဘာ့အဆင့်အသိအမှတ်ပြုမှုတစ်ခုကို ရရှိခဲ့ပါတယ်။ ဂင်းနစ်ကမ္ဘာ့စံချိန်အဖွဲ့ရဲ့ အကဲဖြတ်ဒိုင်တွေက အင်ဒိုနီးရှားနိုင်ငံမှာ မကြာသေးခင်က ကြေညာလိုက်တာဖြစ်ပါတယ်။
Infinix Hot 60 Pro+ ဟာ သူ့ရဲ့အပါးလွှာဆုံးနေရာမှာ ၅.၉၅ မီလီမီတာသာ ရှိပြီး ကမ္ဘာ့အပါးလွှာဆုံး 3D curved display စမတ်ဖုန်းအဖြစ် အသိအမှတ်ပြုခံခဲ့ရပါတယ်။ ဆုချီးမြှင့်ပွဲကို အင်ဒိုနီးရှားရဲ့ ထင်ရှားကျော်ကြားတဲ့ ဘိုရိုဘူဒါဘုရားကျောင်းမှာ ကျင်းပခဲ့တာဖြစ်ပြီး၊ အဲဒီပွဲဟာ ဖုန်းကို ပြည်တွင်းမှာ စတင်မိတ်ဆက်တာနဲ့လည်း တစ်ချိန်တည်း တိုက်ဆိုင်ခဲ့ပါတယ်။
Infinix က ILAC အသိအမှတ်ပြု ဓာတ်ခွဲခန်းတစ်ခုနဲ့ ပူးပေါင်းပြီး ဖုန်းရဲ့နေရာတော်တော်များများကို တိကျတဲ့ လေဆာတိုင်းတာမှုတွေ ပြုလုပ်ခဲ့ပါတယ်။ တိုင်းတာမှုရလဒ်တွေအရ အပါးဆုံးနေရာမှာ ၅.၉၅ မီလီမီတာနဲ့ အထူဆုံးအပိုင်းမှာ ၆.၀၉ မီလီမီတာ ရှိတယ်လို့ အတည်ပြုနိုင်ခဲ့ပြီး၊ အဲဒီအထူဆုံးအတိုင်းအတာကိုပဲ ဂင်းနစ်ရဲ့ တရားဝင်စံနှုန်းအဖြစ် အသုံးပြုခဲ့ပါတယ်။
ပါးလွှာတဲ့ဒီဇိုင်းရှိပေမယ့် Hot 60 Pro+ မှာ အားကောင်းတဲ့ Feature တွေ ပါဝင်ပါတယ်။ ဒီစမတ်ဖုန်းမှာ MediaTek Helio G200 chipset ကို အသုံးပြုထားပြီး 1,224p resolution နဲ့ 144Hz refresh rate ရှိတဲ့ ၆.၇၈ လက်မ curved AMOLED display ပါဝင်ပါတယ်။
Hot 60 Pro+ မှာ 50-megapixel ပင်မကင်မရာ၊ display အောက်လက်ဗွေရာစနစ်နဲ့ ဖုန်နဲ့ ရေဒဏ်ခံနိုင်တဲ့ IP65 အဆင့် သတ်မှတ်ချက်တို့လည်း ပါဝင်ပါသေးတယ်။ ဒီဖုန်းရဲ့ အလေးချိန်က ၁၅၅ ဂရမ်ပဲ ရှိပြီး 5,160mAh ဘက်ထရီကို တပ်ဆင်ပေးထားပါတယ်။ 45W အားအမြန်သွင်းစနစ်နဲ့ 10W reverse wired charging (တခြားဖုန်းကို ကြိုးနဲ့ပြန်အားသွင်းပေးနိုင်တဲ့စနစ်) ကိုလည်း ထောက်ပံ့ပေးထားပါတယ်။
Ref : gizmochina
