အီရန် တော်လှန်ရေးအစောင့်တပ် (IRGC) ဟာ Abu Dhabi မှာရှိတဲ့ OpenAI ရဲ့ ဒေါ်လာ ၃၀ ဘီလီယံတန် Stargate AI ဒေတာစင်တာကို “အပြီးသတ် ချေမှုန်းဖျက်ဆီးပစ်မယ်” လို့ ဗီဒီယိုဖိုင်တစ်ခုကနေတစ်ဆင့် ခြိမ်းခြောက်လိုက်ပါတယ်။ အဲဒီဗီဒီယိုထဲမှာ အဆိုပါစက်ရုံ တည်ရှိတဲ့နေရာကို ဂြိုဟ်တုဓာတ်ပုံတွေနဲ့ အတိအကျ ဖော်ပြထားပါတယ်။
IRGC ရဲ့ ပြောရေးဆိုခွင့်ရှိသူ ဗိုလ်ချုပ် Ebrahim Zolfaghari က အမေရိကန်ဘက်က အီရန်ရဲ့ လျှပ်စစ်ဓာတ်အား အခြေခံအဆောက်အအုံတွေကို တစ်စုံတစ်ရာ ထိခိုက်အောင်လုပ်မယ်ဆိုရင် အမေရိကန်နဲ့ အစ္စရေးပိုင် စက်ရုံတွေကို ပြန်လည်လက်တုံ့ပြန်သွားမယ်လို့ သတိပေးထားပါတယ်။
အဲဒီဗီဒီယိုထဲမှာ Google Maps ကို အသုံးပြုပြီး Abu Dhabi က “အလွတ်” ဖြစ်နေတဲ့ သဲကန္တာရနေရာတစ်ခုကို ချဲ့ကြည့်ပြထားပြီး အဲဒီနောက်မှာတော့ ညကြည့်မှန်ပြောင်းသုံး ဓာတ်ပုံတွေကို ပြောင်းလဲပြသခဲ့ပါတယ်။ အဲဒီအခါမှာတော့ Google က ဖုံးကွယ်ထားတဲ့ လျှို့ဝှက်ဒေတာစင်တာရဲ့ အသွင်အပြင် အပြည့်အစုံ ပေါ်လာပြီး “Google က ဖုံးထားပေမဲ့ ငါတို့မျက်စိအောက်က ဘာမှလွတ်မသွားဘူး” ဆိုတဲ့ စာတန်းကိုလည်း ဖော်ပြထားပါတယ်။
အီရန်ဟာ Amazon AWS ဒေတာစင်တာတွေကို တိုက်ခိုက်ပြီး ပိတ်ပစ်ရအောင် လုပ်ဆောင်ခဲ့ဖူးသလို တခြား အမေရိကန် နည်းပညာကုမ္ပဏီ ၁၈ ခုကိုလည်း တိုက်ခိုက်ဖို့ ခြိမ်းခြောက်ထားပါတယ်။
Ref : Fossbytes
