7,000mAh Battery ပါတဲ့ Itel P40+ နဲ့ A60s ကို ကြေညာ

Itel က P40+ နဲ့ A60s ကို ကြေညာလိုက်ပါတယ်။ Itel P40+ မှာ အရွယ်ကြီး 7,000mAh Battery ပါလာပြီး ၈,၀၉၉ ရူပီး (၉၉ ဒေါ်လာ) သတ်မှတ်ထားပါတယ်။ A60s ဟာ တန်ဖိုးနည်း A60 ရဲ့ မျိုးဆက် ဖြစ်ပြီး ၆,၂၉၉ ရူပီး (၇၇ ဒေါ်လာ) သတ်မှတ်ထားပါတယ်။

Itel P40+

Itel P40+ မှာ 6.8” IPS LCD HD+ မျက်နှာပြင်နဲ့ 90Hz Refresh Rate ထည့်သွင်းထားပါတယ်။ Unisoc T606 Chipset မောင်းနှင်ထားပြီး 4GB RAM , 128GB Storage ပါသလို microSD Card စိုက်နိုင်ပါတယ်။ အနောက်ဘက်မှာ 13MP Main နဲ့ အရှေ့ဘက်မှာ 8MP ဆဲလ်ဖီး ကင်မရာ တပ်ဆင်ထားပါတယ်။ Android 12 OS မောင်းနှင်ထားပြီး 7,000mAh Battery က ၁၈ ရက်အထိ အသုံးခံပါတယ်။ USB-C ကနေ 18W Speed နဲ့ အားသွင်းနိုင်ပါတယ်။

Itel P40+ အတွက် Force Black နဲ့ Ice Cyan အရောင် ထုတ်လုပ်ထားပြီး ဇူလိုင် ၁၁ ရက်နေ့ Amazon India ကနေ ရောင်းမှာပါ။

Itel A60s

Itel A60s မှာ 6.6” HD+ LCD မျက်နှာပြင် တပ်ဆင်ထားပြီး အရွယ်သေး Notch မှာ 5MP ကင်မရာ ပါပါတယ်။ Unisoc SC9863A1 Chipset မောင်းနှင်ထားပြီး 4GB RAM , 64/128GB Storage ပါပါတယ်။ အနောက်ဘက်မှာ 8MP Main နဲ့ Secondary QVGA ကင်မရာ တပ်ဆင်ထားပါတယ်။ Android 12 OS မောင်းနှင်ထားပြီး 10W Charging ထောက်ပံ့တဲ့ 5,000mAh Battery ပါပါတယ်။