The Verge နဲ့ မကြာခင်က အင်တာဗျူး ၁ ခုမှာ The Matrix Resurrections ရုပ်ရှင်ရဲ့ ကြယ်ပွင့်တွေ ဖြစ်တဲ့ Keanu Reeves နဲ့ Carrie-Anne Moss တို့ကို နောက်ထွက်မယ့် ရုပ်ရှင်အတွက် ဖန်တီးထားတဲ့ NFTs တွေအတွက် သဘောထား အမြင်တွေကို မေးမြန်းခဲ့ပါတယ်။ အဲဒီ NFTs တွေဟာ အရမ်းကို လူကြိုက်များပြီး ရောင်းချတဲ့အချိန်မှာ Website ဟာ ယာယီ Crash ဖြစ်သွားခဲ့ပါသေးတယ်။
Keanu Reeves doesn’t get the NFT hype either. Watch our full interview here: https://t.co/ea0NInhtBO pic.twitter.com/UuUNFMtfmf
— The Verge (@verge) December 11, 2021
Reeves က NFTs တွေကို လွယ်လွယ်ကူကူ ကော်ပီပွားလို့ရတဲ့အတွက် ဟာသ ၁ ခုလို ထင်မြင်ကြောင်း ပြောသွားခဲ့ပါတယ်။ အဲဒီနောက်မှာ သူက NFTs ရောင်းချရတဲ့ ငွေထဲက တချို့ကို သူတို့အတွက် ရနိုင်မလားလို့ Moss ကို နောက်ပြောင်ကာ မေးခဲ့ပါသေးတယ်။
ဒါပေမယ့် Reeves ဟာ Blockchain နည်းပညာအကြောင်း မသိတာတော့ မဟုတ်ပါဘူး။ သူငယ်ချင်း ၁ ယောက် ဝယ်ပေးထားတဲ့ Cryptocurrency တချို့ကို သူပိုင်ဆိုင်ထားပါတယ်။ ဒါပေမယ့် သူဟာ Cryptocurrency တွေကို ရောင်းဝယ်ကာ ရင်းနှီးမြှပ်နှံမှု ပြုလုပ်နေတာ မဟုတ်ဘဲ ကိုင်ထားရုံကိုင်ထားတဲ့ သဘော ဖြစ်ပါတယ်။
NFTs အကြောင်း မသိသေးသူတွေအတွက် အနည်းငယ်ရှင်းပြချင်ပါတယ်။ NFTs ဟာ Non-fungible Token ရဲ့ အတိုကောက် ဖြစ်ပြီး ဒစ်ဂျစ်တယ် ပစ္စည်းပိုင်ဆိုင်မှုကို Ethereum Blockchain မှာ မှတ်တမ်းတင်ထားတာ ဖြစ်ပါတယ်။ လက်ရှိမှာ Tweets, GIFs နဲ့ ဒစ်ဂျစ်တယ် အနုပညာလက်ရာတွေကို NFTs အဖြစ် ရောင်းချနေကြပါတယ်။
Ref : forbes
