Meta က ကွန်ပျူတာတွေနဲ့ AR မျက်မှန်တွေကို mouse, keyboard ဒါမှမဟုတ် screen ကို ထိတွေ့စရာမလိုဘဲ လက်ရဲ့အမူအရာတွေနဲ့ပဲ ထိန်းချုပ်နိုင်မယ့် smart လက်ပတ်တစ်ခုကို မိတ်ဆက်ပြသလိုက်ပါတယ်။
sEMG-RD လို့ခေါ်တဲ့ ဒီကိရိယာက လက်မောင်းရင်းနဲ့ လက်ကောက်ဝတ်က ကြွက်သားတွေရဲ့ သေးငယ်တဲ့ လျှပ်စစ် signal တွေကို ဖတ်ရှုပေးပါတယ်။ ဒီ signal တွေကို digital အမိန့်တွေအဖြစ် ပြောင်းလဲပေးပြီး အသုံးပြုသူကို လက်ဟန်ခြေဟန်ပြုလုပ်ရုံနဲ့ cursor ရွှေ့တာ၊ app တွေဖွင့်တာ ဒါမှမဟုတ် လေထဲမှာ စာရိုက်တာမျိုးတွေ လုပ်ဆောင်နိုင်စေမှာ ဖြစ်ပါတယ်။
သုံးစွဲသူထောင်ပေါင်းများစွာရဲ့ ဒေတာတွေနဲ့ လေ့ကျင့်ပေးထားတာကြောင့် ဒီလက်ပတ်ဟာ တစ်ဦးချင်းစီအတွက် သီးသန့် setting ချပေးစရာမလိုပါဘူး။ ဒါ့အပြင် သင်ကိုယ်တိုင် မလှုပ်ရှားခင်မှာပဲ သင့်ရဲ့ လှုပ်ရှားလိုတဲ့ရည်ရွယ်ချက်ကို ကြိုတင်သိရှိနိုင်ပြီး ကိုယ်လက်လှုပ်ရှားမှုဆိုင်ရာ မသန်စွမ်းသူတွေအတွက် ကြီးမားတဲ့ အကျိုးကျေးဇူးတွေကို ပေးစွမ်းနိုင်မှာ ဖြစ်ပါတယ်။
Meta က ဒီလက်ပတ်ကို သူတို့ရဲ့ Orion AR မျက်မှန်နဲ့ တွဲဖက်အလုပ်လုပ်နေတာကို ပြသခဲ့ပြီးဖြစ်ပြီး ဒီနည်းပညာကို အနာဂတ်မှာထုတ်မယ့် ထုတ်ကုန်တွေမှာလည်း ထည့်သွင်းအသုံးပြုသွားဖို့ အစီအစဉ်ရှိတယ်လို့ သိရပါတယ်။
Ref : Technology Innovation
