လက်ရှိမှာ တန်ဖိုးကြီး ထုတ်ကုန်တွေ ရောင်းချတဲ့ ကုမ္ပဏီတွေဟာ ဒစ်ဂျစ်တယ် နယ်ပယ်ကနေ ဝင်ငွေ များများစားစား မရသေးပါဘူး။ ဒါပေမယ့် Morgan Stanley ဘဏ်ရဲ့ သုတေသန စစ်တမ်းအရ ဒါဟာ မကြာခင် ပြောင်းလဲတော့မှာပါ။
Metaverse Gaming နဲ့ NFTs တွေဟာ ၂၀၃၀ ခုနှစ်မှာ တန်ဖိုးကြီး ထုတ်ကုန် ဈေးကွက်အတွက် ဝင်ငွေ ၅၀ ဘီလီယမ် ယူရို ရှာဖွေပေးနိုင်မယ်လို့ Morgan Stanley က ပြောပါတယ်။ ဒါဟာ NFTs ဈေးကွက် ၁ ခုလုံးရဲ့ ၁၀ ရာခိုင်နှုန်း ဖြစ်မှာပါ။
တန်ဖိုးကြီး ထုတ်ကုန် ရောင်းချတဲ့ ကုမ္ပဏီတွေဟာ လာမယ့် ဆယ်စုနှစ်တွေအတွင်း NFTs နဲ့ Social Gaming တွေကနေ ဝင်ငွေ ရှာဖွေနိုင်မှာ ဖြစ်တယ်လို့ သုတေသန စစ်တမ်းက ဆိုပါတယ်။ ပြီးခဲ့တဲ့ လက Dolce & Gabbana ရဲ့ ဒေါ်လာ ၅.၇ သန်းဖိုး NFTs ၉ ခု ရောင်းချနိုင်ခဲ့တာဟာ Virtual တန်ဖိုးကြီး ထုတ်ကုန်တွေ အလားအလာ ကောင်းတယ်ဆိုတာ ပြသနေပါတယ်။ Morgan Stanley က NFTs ဈေးကွက်ဟာ ၂၀၃၀ ခုနှစ်မှာ ဒေါ်လာ သန်း ၃၀၀ လောက် ကြီးထွားလာနိုင်တယ်လို့ ပြောပါတယ်။
NFTs Collectible တွေကြောင့် တန်ဖိုးကြီး ထုတ်ကုန်တွေ ရောင်းအား ကောင်းလာမယ်လို့ လေ့လာဆန်းစစ်သူ Edward Stanley က ပြောပါတယ်။ Morgan Stanley က တန်ဖိုးကြီး ထုတ်ကုန် ရောင်းချတဲ့ ကုမ္ပဏီတွေဟာ Gaming နဲ့ Metaverse ပလက်ဖောင်းတွေနဲ့ ပူးပေါင်းနိုင်မယ့် နည်းလမ်းတွေကို အခုကတည်းက စတင် ရှာဖွေနေကြပြီလို့ ပြောပါတယ်။
Ref : coindesk
