Apple ဟာ ၂၀၂၇ ခုနှစ်မှာ iPhone သက်တမ်း နှစ် ၂၀ ပြည့်အထိမ်းအမှတ် အနေနဲ့ ဒီဇိုင်း လုံးဝ ပြောင်းထားတဲ့ iPhone 19 Pro ကို ကြေညာမှာ ဖြစ်ပါတယ်။ အရင်ကထွက်ခဲ့တဲ့ သတင်းအရ အဲဒီဖုန်းမှာ ဖန် အပြည့်ပါလာမှာ ဖြစ်ပြီး Display က ကွေးညွှတ်ကာ Display Cutout မပါလာပါဘူး။ အခုထွက်လာတဲ့ သတင်းအရ အဲဒီဖုန်းဟာ ၂၀၁၇ ခုနှစ်ထုတ် iPhone X နောက်ပိုင်းမှာ အကြီးမားဆုံး ဒီဇိုင်းပြောင်းလဲထားတဲ့ iPhone ဖြစ်လာမှာပါ။
Apple ဟာ အဲဒီ ဘေးဘောင်မဲ့ iPhone Display Panel အတွက် Samsung Display နဲ့ LG Display တို့နဲ့ စကားပြောထားပါတယ်။ Display ရဲ့ လေးဘက်လေးတန်ဟာ ကွေးညွှတ်နေမှာ ဖြစ်ပြီး ဖုန်းကိုယ်ထည် တစ်ခုလုံးကို ဖန်နဲ့ ဖုံးအုပ်ထားမှာပါ။
ဒီဇိုင်းက ၂၀၂၁ ခုနှစ်က ပြသခဲ့တဲ့ Xiaomi Concept Device နဲ့ ဆင်တူမှာပါ။ Xiaomi ရဲ့ Concept Device မှာ ခလုတ်နဲ့ Port တွေ မပါလာပါဘူး။ Apple ကလည်း အဲဒီအတိုင်း ဖန်တီးထားနိုင်ပါတယ်။
နောက်ထွက်မယ့် iPhone မှာ Under-display (UD) ကင်မရာ ပါလာနိုင်ပါတယ်။ Apple ဟာ ဘက်ထရီ သက်တမ်းပိုကောင်းစေတဲ့ All-silicon Cathode ပါတဲ့ Solid-state Battery ကို သုံးထားနိုင်ပါတယ်။
Ref : gsmarena
