Elon Musk ရဲ့ Neuralink ကုမ္ပဏီဟာ ကိုယ်အင်္ဂါ မသန်စွမ်းသူတွေရဲ့ ဦးနှောက်ထဲမှာ Chip ထည့်သွင်းပြီး အီလက်ထရောနစ် ကိရိယာတွေကို ထိန်းချုပ်နိုင်တဲ့ နည်းပညာကို တီထွင်နေပါတယ်။ အခုတော့ အဲဒီ Brain Chip ကို တတိယလူနာမှာ အောင်မြင်စွာ ထည့်သွင်းနိုင်ပါပြီ။ ဒီသတင်းကို Musk က X (Twitter) မှာ ထုတ်လွှင့်ပြသတဲ့ CES 2025 Interview မှာ ပြောကြားလိုက်တာ ဖြစ်ပါတယ်။
Musk က “ Neuralink Brain Chip ထည့်သွင်းနိုင်တဲ့ လူသား ၃ ယောက်ရှိသွားပါပြီ။ အားလုံး အဆင်ပြေနေပါတယ်။ အဆင့်မြှင့်ထားတဲ့ Device မှာ Electrodes တွေ ပိုမို ထည့်သွင်းထားပါတယ်။ Bandwidth ပိုမြင့်မာလာပြီး ဘက်ထရီ သက်တမ်း ပိုကောင်းလာပါတယ်။ “ လို့ ပြောပါတယ်။
Neuralink ဟာ ပိုကောင်းလာတဲ့ နည်းပညာကို အသုံးပြုပြီး ၂၀၂၅ ခုနှစ်မှာ နောက်ထပ် လူနာ ၂၀ ကနေ ၃၀ အတွင်းမှာ Brain Chip ထည့်သွင်းဖို့ စီစဉ်ထားပါတယ်။
ပထမဆုံး အမေရိကန်မှ လူနာဟာ ဗီဒီယိုဂိမ်းကစားနိုင်ပြီး အင်တာနက် ကြည့်နိုင်ပါတယ်။ လူမှုကွန်ရက် အသုံးပြုနိုင်ပြီး လက်ပ်တော့ ကာဆာကို စိတ်နဲ့ ထိန်းချုပ်နိုင်ပါတယ်။
Ref : Technology Innovation
