HMD Global က Nokia 2.4 နဲ့ Nokia 3.4 တန်ဖိုးနည်း စမတ်ဖုန်းတွေကို ပြီးခဲ့တဲ့ ရက်သတ္တပတ် အနည်းငယ်က ကြေညာခဲ့ပါတယ်။ ကုမ္ပဏီက မကြာခင်မှာလည်း Nokia 5.4 ကို ကြေညာတော့မယ်လို့ ထင်ပါတယ်။ အခု ပေါက်ကြား သတင်းအသစ် အရ Nokia 4.3 ကို လာမယ့် ရက်ပိုင်းအတွင်း မိတ်ဆက်တော့မှာ ဖြစ်ပါတယ်။
91Mobiles က ဒီသတင်းကို မျှဝေလိုက်တာ ဖြစ်ပြီး အဲဒီဖုန်းရဲ့ 3D CAD ဓါတ်ပုံတွေကိုလည်း ချပြလိုက်ပါတယ်။ Nokia 4.3 မှာ ၆.၅ လက်မ မျက်နှာပြင်ပြား တပ်ဆင်ထားမှာ ဖြစ်ပြီး အရွယ်သေး Notch မှာ ဆဲလ်ဖီး ကင်မရာ ပါလာမှာ ဖြစ်ပါတယ်။ အနောက်ဘက်မှာ ကင်မရာ ၃ လုံးကို ဒေါင်လိုက်တပ်ဆင်ထားပြီး LED Flash ၁ လုံး ပါလာပါတယ်။ အနောက်ဘက်မှာ လက်ဗွေရာ အာရုံခံ ကိရိယာ မြှပ်နှံထားပါတယ်။
အောက်ခြေမှာ USB Type-C Port ၊ စပီကာ အပေါက်၊ ပင်မ မိုက်ကရိုဖုန်းနဲ့ 3.5mm Headphone Jack ပါလာပါတယ်။ စိတ်ဝင်စားစရာကောင်းတာက အရင်မျိုးဆက် Nokia 4.2 မှာလို Google Assistant Button မပါလာတာပါ။ ဘယ်ဘက်ခြမ်းမှာ SIM Card Slot နဲ့ ညာဘက်မှာ ပါဝါ၊ အသံခလုတ်တွေ တပ်ဆင်ထားပါတယ်။
အပို မိုက်ကရိုဖုန်း ၁ လုံးလည်း ထည့်သွင်းထားပြီး အရွယ်အစား အပြည့်အစုံမှာ 162.9 x 77.1 x 10.5mm ဖြစ်ပါတယ်။
Nokia 4.3 ရဲ့ Specifications ပြည့်ပြည့်စုံစုံကို မသိရသေးပါဘူး။ မကြာခင်မှာ အဲဒီဖုန်းရဲ့ သတင်းအချက်အလက်တွေ ပိုမို ထွက်လာမှာပါ။
Ref : gizmochina
https://www.youtube.com/watch?v=9U8g3K4k4g4
