OnePlus 11 ကို ၂၀၂၃ ခုနှစ် ကွာတား ၁ ဖြစ်တဲ့ ဇန်နဝါရီလကနေ မတ်လအတွင်း ကြေညာမယ်လို့ ထင်ရပြီး အခုတော့ တရားဝင် မိတ်ဆက်ပွဲ မတိုင်ခင်မှာ @OnLeaks နဲ့ GadgetGang မှ အဖွဲ့က စွမ်းဆောင်ရည်မြင့် OnePlus 11 ရဲ့ ဓါတ်ပုံတွေကို မျှဝေလိုက်ပါတယ်။
အခု မျှဝေလိုက်တဲ့ ဓါတ်ပုံအသစ်တွေဟာ အရင်က ပေါက်ကြားခဲ့ဖူးတဲ့ ဓါတ်ပုံတွေနဲ့ တူညီနေပြီး အနောက်ဘက်မှာ ကင်မရာ ၃ လုံး တပ်ဆင်ထားတဲ့ အရွယ်ကြီး စက်ဝိုင်းပုံ ကင်မရာ Island ထည့်သွင်းထားပါတယ်။ အနောက်ဘက်ဟာ ကွေးညွှတ်ပြီး Alert Slider ပြန်ပါလာပါတယ်။
ပေါက်ကြားသတင်းတွေအရ OnePlus 11 အတွက် Volcanic Black နဲ့ Forest Emerald ၂ ရောင် ထုတ်လုပ်ထားမှာ ဖြစ်ပြီး ၆.၇ လက်မ AMOLED QHD+ မျက်နှာပြင် တပ်ဆင်ထားနိုင်ပါတယ်။ Qualcomm ရဲ့ Snapdragon 8 Gen 2 Chipset မောင်းနှင်ထားမှာ ဖြစ်ပြီး 16GB RAM အထိ ရွေးချယ်နိုင်မှာပါ။
အနောက်ကင်မရာတွေက 50MP Sony IMX890 Main , 48MP IMX581 Ultrawide နဲ့ 32MP IMX709 Telephoto (2x Optical Zoom) တွေ ဖြစ်မှာပါ။ 100W Fast Charging ထောက်ပံ့တဲ့ 5,000mAh ဘက်ထရီ ထည့်သွင်းထားနိုင်ပါတယ်။
OnePlus ဟာ ဒီတစ်ကြိမ်မှာ Pro မော်ဒယ်ကို မရောင်းချနိုင်ဘူးလို့ သတင်းထွက်နေပါတယ်။
Ref : gsmarena
