OnePlus 11 ကို တရုတ်မှာ မကြာခင် ကြေညာနိုင်ပြီး နိုင်ငံတကာအတွက် ၂၀၂၃ ခုနှစ် ဖေဖော်ဝါရီလ ၇ ရက်နေ့ မိတ်ဆက်မှာပါ။ OnePlus က OnePlus 11 ရဲ့ အကြောင်း မကြာခင်က အရိပ်အမြွက် ပြောကြားခဲ့ပေမယ့် Specs တွေအကြောင်း မပြောခဲ့ပါဘူး။ အခုတော့ OnePlus 11 ဟာ AnTuTu ကို ရောက်လာပြီ ဖြစ်ပြီး အဓိက Specs တွေကို သိလာရပါပြီ။
OnePlus 11 ရဲ့ မော်ဒယ် ကုဒ်ဟာ PBH110 ဖြစ်ပြီး Snapdragon 8 Gen 2 SoC မောင်းနှင်ထားမှာပါ။ 16GB RAM နဲ့ 512GB UFS 4.0 Storage ထည့်သွင်းထားမှာ ဖြစ်ပြီး Android 13 မောင်းနှင်ထားမှာပါ။ 120Hz မျက်နှာပြင် ပါလာမှာ ဖြစ်ပြီး အရွယ်အစားက ၆.၇ လက်မ ဖြစ်ကာ Resolution က QHD+ ဖြစ်မှာပါ။
OnePlus 11 ဟာ AnTuTu စမ်းသပ်ချက်မှာ ၁,၃၄၁,၀၈၀ မှတ်ရထားပြီး 16GB RAM နဲ့ Snapdragon 8 Gen 2 Chipset ပါတဲ့ မော်ဒယ်ကို စမ်းသပ်ထားတာ ဖြစ်ပါတယ်။
OnePlus က မျှဝေထားတဲ့ Teaser အရ OnePlus 11 မှာ အနောက်ကင်မရာ ၃ လုံး တပ်ဆင်ထားမှာ ဖြစ်ပြီး Hasselblad က Tuning လုပ်ထားပါတယ်။ Alert Slider လည်း တပ်ဆင်ထားမှာ ဖြစ်ပါတယ်။
OnePlus က တရုတ်မှာ ကြေညာမယ့်နေ့ကို မပြောသေးပေမယ့် အိန္ဒိယနိုင်ငံ နယူးဒေလီမှာ ဖေဖော်ဝါရီလ ၇ ရက် မိတ်ဆက်ပွဲမှာ OnePlus 11 နဲ့အတူ OnePlus Buds Pro 2 TWS နားကြပ်ကိုပါ ကြေညာမှာ ဖြစ်ပါတယ်။
Ref : gsmarena
