OnePlus 11R ရဲ့ သတင်းအချက်အလက်တွေ စက်တင်ဘာလကတည်းက စတင်ပေါက်ကြားနေပြီး အခုလည်း ဖုန်းရဲ့ ကင်မရာ Island , Alert Slider နဲ့ IR Blaster တို့ကို ရိုက်ထားတဲ့ ဓါတ်ပုံတွေ ထွက်လာပါတယ်။ OnePlus 11R မှာ မျက်နှာပြင်ကွေး တပ်ဆင်ထားမှာဖြစ်ပြီး Alert Slider နဲ့ IR Blaster ပါလာမှာပါ။
OnePlus 11R မှာ Qualcomm Snapdragon 8+ Gen 1 Chipset မောင်းနှင်ထားမှာဖြစ်ပြီး 120Hz FHD+ မျက်နှာပြင်၊ မျက်နှာပြင်အောက် လက်ဗွေရာ ကိရိယာ၊ LPDDR5 RAM ထည့်သွင်းထားမယ်လို့ သတင်းထွက်နေပါတယ်။ အနောက်ဘက်မှာ 50MP Main Sony IMX766 , 13MP Ultrawide , 2MP Macro or Depth ကင်မရာ ၃ လုံးနဲ့ အရှေ့ဘက်မှာ 16MP ဆဲလ်ဖီး ကင်မရာ ၁ လုံး ပါလာနိုင်ပါတယ်။ အရွယ်ကြီး 5,000mAh ဘက်ထရီ ထည့်သွင်းထားမှာပါ။
စက်တင်ဘာလက သတင်းအရ OnePlus 11R ရဲ့ မျက်နှာပြင် Resolution ဟာ 1080x2412p ရှိမှာ ဖြစ်ပြီး 8/16GB RAM နဲ့ 128/256GB Storage တွေ ထုတ်လုပ်ထားမှာပါ။ 100W Fast Charging ထောက်ပံ့ထားမှာ ဖြစ်ပါတယ်။ အဲဒီ အချိန်တုန်းက 8MP Ultrawide ကင်မရာ ထည့်သွင်းမယ်လို့ သတင်းထွက်ခဲ့ပါတယ်။
OnePlus 11R ကို ကြေညာမယ့် အချိန်ကို မသိရသေးပေမယ့် ပြီးခဲ့တဲ့ သတင်းပတ်အတွင်း သတင်းများစွာ ပေါက်ကြားနေတဲ့အတွက် မိတ်ဆက်ပွဲ နီးနေပြီလို့ထင်ရပါတယ်။
Ref : gsmarena
