OnePlus Nord 4 ဟာ တခြား Nord 4 Series တွေနဲ့ မတူညီတဲ့ ဒီဇိုင်းနဲ့ ထွက်လာပါတယ်။ ဖုန်း ၁ ခုလုံးကို သတ္တုကိုယ်ထည်နဲ့ တည်ဆောက်ထားပြီး ပြားချပ်တဲ့ ဖရိမ် ပါလာပါတယ်။ အပါးလွှာဆုံး Nord ဖုန်းလို့ ညွှန်းဆိုထားပြီး အထူက ၀.၈ စင်တီမီတာပဲ ရှိပါတယ်။ ဘယ်ဘက်ခြမ်းမှာ Alert Slider တပ်ဆင်ထားပြီး အနောက်ဘက်မှာ ကင်မရာတွေကို အလျားလိုက် ထည့်သွင်းထားပါတယ်။
အရှေ့ဘက်မှာ 120Hz Flat AMOLED Display ပါလာပြီး 1.5K Resolution နဲ့ 2,150 Nits Peak Brightness ထောက်ပံ့ထားပါတယ်။ 6.5” Display ဖြစ်ပြီး Punch Hole Cutout ပါပါတယ်။ ရေစိုနေတဲ့လက်နဲ့ အသုံးပြုနိုင်တဲ့ AquaTouch နည်းပညာ ပါပါတယ်။
အနောက်ဘက်မှာ 50MP Sony LYT-600 Main Sensor (OIS) ၊ 8MP Ultrawide Angle ကင်မရာ ၂ လုံးနဲ့ အရှေ့ဘက်မှာ 16MP ဆဲလ်ဖီး ကင်မရာ ၁ လုံး တပ်ဆင်ထားပါတယ်။
Nord 4 မှာ Snapdragon 7+ Gen 3 Chipset မောင်းနှင်ထားပြီး 16GB RAM နဲ့ 512GB Storage ထည့်သွင်းထားပါတယ်။ 100W Charging ထောက်ပံ့တဲ့ 5,500mAh Battery ပါပါတယ်။ Android 14 မောင်းနှင်ထားပြီး AI Eraser , AI Clear Face နဲ့ AI Best Face လို AI Feature တွေ ပါပါတယ်။ OS Update ၄ ကြိမ်နဲ့ နောက်ထပ် Security Patch ၂ နှစ် အပါအဝင် Software Update ၆ နှစ်ရရှိမှာပါ။
OnePlus Nord 4 ရဲ့ 8/128GB ကို ၂၉,၉၉၉ ရူပီး၊ 12/128GB ကို ၃၂,၉၉၉ ရူပီးနဲ့ 12/256GB ကို ၃၅,၉၉၉ ရူပီး သတ်မှတ်ထားပါတယ်။ Mercurial Silver, Obsidian Black နဲ့ Oasis Green အရောင်တွေ ထုတ်လုပ်ထားပါတယ်။
Ref : gizmochina
