Oppo Reno15 စီးရီးဟာ Reno15 Pro Max၊ Reno15 Pro နဲ့ Reno15 တို့ကို မိတ်ဆက်ပြီး ကမ္ဘာအနှံ့ ဖြန့်ချိလိုက်ပါပြီ။ ဒီမော်ဒယ်တွေအားလုံးက နာမည်ပြောင်းထားတဲ့ မော်ဒယ်တွေ ဖြစ်ပေမယ့် Oppo က စီးရီးအသစ်ဖြစ်တဲ့ Reno15 F 5G ကိုပါ ထပ်မံဖြည့်သွင်း မိတ်ဆက်လိုက်ပါတယ်။
Oppo ရဲ့ Reno15 F အသစ်မှာ Snapdragon 6 Gen 1 chipset တပ်ဆင်ထားပြီး 12GB အထိရှိတဲ့ LPDDR4X RAM နဲ့ 512GB အထိရှိတဲ့ UFS 3.1 storage တို့ တွဲဖက်ပါဝင်ပါတယ်။
Reno15 F မှာ အမြင့်ဆုံး refresh rate 120Hz နဲ့ Full-HD+ resolution ရှိတဲ့ 6.57-inch AMOLED မျက်နှာပြင် ပါဝင်ပါတယ်။ မျက်နှာပြင်ကို AGC Dragontrail-Star D+ မှန်နဲ့ ကာကွယ်ပေးထားပါတယ်။
ကင်မရာအပိုင်းမှာတော့ ဖုန်းရဲ့အနောက်ဘက်မှာ 2-axis OIS နဲ့ autofocus ပါဝင်တဲ့ 50MP ပင်မဆင်ဆာ ပါဝင်ပါတယ်။ 8MP ultrawide ကင်မရာနဲ့ 2MP macro ဆင်ဆာတို့လည်း ပါဝင်ပါတယ်။ ရှေ့ဘက်မှာတော့ autofocus အထောက်အပံ့ပါတဲ့ 50MP ကင်မရာ ပါဝင်ပါတယ်။
ဖုန်းမှာ 80W fast charging ပံ့ပိုးမှုပါတဲ့ 7,000mAh ဘက်ထရီ ပါဝင်ပါတယ်။ မျက်နှာပြင်အောက် လက်ဗွေစကင်နာ၊ Wi-Fi 5၊ Bluetooth 5.1၊ USB Type-C port၊ GPS နဲ့ NFC တို့ ပါဝင်ပါတယ်။ Reno15 F က ColorOS 16 နဲ့ အလုပ်လုပ်ပါတယ်။
အဲဒီဖုန်းမှာ အလူမီနီယမ်ဘောင်၊ မှန်ကျောဘက်တို့ ပါဝင်ပြီး IP69 ရေနဲ့ ဖုန်ဒဏ်ခံနိုင်ရည်အဆင့်လည်း ရှိပါတယ်။
Oppo Reno15 F ကို Afterglow Pink၊ Aurora Blue နဲ့ Twilight Blue အရောင်တွေနဲ့ ရရှိနိုင်မှာ ဖြစ်ပါတယ်။ ဈေးနှုန်းနဲ့ ရောင်းချမယ့် အသေးစိတ်အချက်အလက်တွေကိုတော့ လောလောဆယ် ထုတ်ပြန်ထားခြင်း မရှိသေးပါဘူး။
Ref : gsmarena
