realme 10 Pro Coca-Cola Edition ကို ကြေညာလိုက်ပြီ ဖြစ်ပြီး ဒီဇိုင်း ဆန်းသစ်ထားကာ Customization များစွာ ပြုလုပ်နိုင်ပါတယ်။ အလုံးရေ ၁,၀၀၀ ပဲ ရောင်းချမှာ ဖြစ်ပြီး 8GB RAM နဲ့ 128GB Storage ထည့်သွင်းထားကာ ရူပီး ၂၀,၉၉၉ (၂၅၅ ဒေါ်လာ)နဲ့ ရောင်းချမှာ ဖြစ်ပါတယ်။
ဖုန်း အနောက်ဘက်မှာ Coca-Cola Theme ကို အသုံးပြုထားပြီး ပုလင်းဖုံးပုံစံ Pin ၁ ခု၊ စတစ်ကာ များစွာနဲ့ realme ရဲ့ Realmeow လာဘ်ကောင် အရုပ်လေး ပါပါတယ်။
ဆော့ဖ်ဝဲ အပိုင်းမှာ Custom Charging Animation တွေ ပါလာပြီး Wallpaper တွေကိုလည်း Coca-Cola Theme ဖန်တီးထားပါတယ်။ Icon တွေကိုလည်း ဆန်းသစ်ထားပြီး Notification Sound နဲ့ Ringtone တွေကို Coca-Cola Theme ပြုလုပ်ထားပါတယ်။
Coca-Cola Edition ရဲ့ Specs တွေဟာ ရိုးရိုး realme 10 Pro နဲ့ တူညီတဲ့အတွက် စွမ်းဆောင်ရည်က မကွာခြားပါဘူး။
realme 10 Pro Coca-Cola Edition ကို realme.com နဲ့ Flipkart မှာ ရောင်းချနေပြီ ဖြစ်ပြီး ဒီလ ၁၄ ရက်နေ့ ပို့ဆောင်ပေးမှာ ဖြစ်ပါတယ်။ ဈေးနှုန်းက ရိုးရိုး realme 10 Pro 8/128GB ထက် ရူပီး ၁,၀၀၀ ပိုများပါတယ်။
Ref : gsmarena
