Realme 16 Pro စီးရီးဟာ အိန္ဒိယနိုင်ငံမှာ ဇန်နဝါရီလ ၆ ရက်နေ့မှာ စတင်မိတ်ဆက်ပါမယ်။ မိတ်ဆက်ပွဲမတိုင်ခင်မှာ Realme က ဖုန်းတွေရဲ့ အဓိကအချက်အလက်တွေကို ထုတ်ဖော်ပြသခဲ့ပြီး အခုအခါ Pro ဗားရှင်းနဲ့ပတ်သက်တဲ့ အသေးစိတ်အချက်အလက်တွေကို အတည်ပြုလိုက်ပါတယ်။
ပြီးခဲ့တဲ့အပတ်က Realme ဟာ 16 Pro နဲ့ 16 Pro+ နှစ်မျိုးစလုံးမှာ 200MP ပင်မနောက်ကင်မရာ ပါဝင်လာမယ်လို့ ထုတ်ဖော်ပြောကြားခဲ့ပြီး Pro+ ဗားရှင်းမှာတော့ 3.5x optical zoom အထောက်အပံ့ပါဝင်တဲ့ periscope telephoto လည်း ပါဝင်လာမှာဖြစ်ပါတယ်။ ကုမ္ပဏီက အခုအခါမှာ 16 Pro မှာ MediaTek Dimensity 7300-Max 5G chipset တပ်ဆင်ထားမယ်လို့ အတည်ပြုလိုက်ပါတယ်။ ဒီဖုန်းမှာ AirFlow VC အအေးပေးစနစ် ပါဝင်မှာဖြစ်ပြီး AnTuTu benchmark မှာ ရမှတ် ၉၇၀,၀၀၀ ကျော် ရရှိထားတယ်လို့ ဆိုပါတယ်။
ဒါ့အပြင် 7,000mAh ဘက်ထရီနဲ့ 1.5K resolution ရှိတဲ့ AMOLED မျက်နှာပြင် ပါဝင်မှာဖြစ်ပြီး 144Hz refresh rate နဲ့ 6,500-nit peak brightness တို့ ပါဝင်ပါမယ်။ ဖုန်းကတော့ Android 16 အခြေခံ realme UI 7.0 နဲ့ အလုပ်လုပ်မှာဖြစ်ပြီး AI Recording၊ AI Framing master နဲ့ Google Gemini လိုမျိုး AI လုပ်ဆောင်ချက်တွေ ပါဝင်လာပါမယ်။
Realme 16 Pro ကို Master Gold၊ Pebble Gray နဲ့ Orchid Purple အရောင်တွေနဲ့ ရရှိနိုင်ပါမယ်။ အဲဒီဖုန်းမှာ IP69 rating လည်း ပါဝင်လာပါမယ်။
Ref : gsmarena
