realme ရဲ့ Narzo 20 Series တွေကို တရားဝင် မြင်ရဖို့ သိပ်မလိုတော့ဘူးလို့ ထင်ပါတယ်။ realme ကလည်း မကြာခင် ကြေညာမယ်လို့ အတည်ပြုထားပါတယ်။ အခုတော့ ကြေညာမယ့်နေ့နဲ့ ဖိတ်စာတွေ အွန်လိုင်းမှာ ပေါက်ကြားထွက်လာပါတယ်။
According to my sources you'll see the announcement for Narzo 20 India launch tomorrow, and the launch is scheduled for 21st September
— Himanshu (@byhimanshu) September 13, 2020
Himanshu (@byhimanshu) ဆိုသူက Narzo 20 Series ကို စက်တင်ဘာလ ၂၁ ရက်နေ့မှာ ကြေညာမယ်လို့ တွစ်တာမှာ သတင်းပေးလိုက်ပါတယ်။ ဒါ့အပြင် သူက realme ကိုယ်တိုင်က ကြေညာမယ့်နေ့ကို ဒီရက်ပိုင်းထဲမှာ ပြောလိမ့်မယ်လို့လည်း အသိပေးလိုက်ပါတယ်။
And i guess this is launch invite 😉 pic.twitter.com/g2wSVPRnbo
— Darshil Khared 😷 (@darshil_khared) September 13, 2020
သူ့ရဲ့ Tweet အောက်မှာ Narzo 20 Series မိတ်ဆက်ပွဲ ဖိတ်စာ ဓါတ်ပုံ ၁ ပုံကို Reply လုပ်ထားတာ မြင်ရပါတယ်။ ပုံမှာ အပြာရောင် ဘူးရဲ့ အထက်မှာ Narzo စာသားကို ထင်ထင်ရှားရှား ရေးသားထားတာ မြင်ရပါတယ်။ ဘူးထဲမှာ SUP Handheld Retro Game Console နဲ့ Energy Bar Snack ကိုတွေ့ရပြီး အောက်ခြေမှာ ဘက်ထရီ Indicator ပြထားတဲ့ ဘူးလေး ၁ ဘူး ပါလာပါတယ်။
အရွယ်ကြီး ဘက်ထရီ ပါလာမယ့် အရိပ်အယောင်လို့ ထင်ပါတယ်။ Narzo 10 နဲ့ Narzo 10A ၂ လုံးစလုံးမှာတောင် အရွယ်ကြီး 5,000mAh ဘက်ထရီတွေ ထည့်ထားတာပါ။ realme က ဒါတောင် မကျေနပ်နိုင်သေးဘဲ မကြာခင်က ကြေညာခဲ့တဲ့ Galaxy M51 မှာလို 7,000mAh ဘက်ထရီကြီးတောင် Narzo 20 Series မှာ ထည့်ပေးမလား မသိပါဘူး။ ဘက်ထရီမှာ ဘား ၇ ခုပါတဲ့အတွက်ကြောင့်လည်း ဒီလို ထင်စရာ ဖြစ်နေပါတယ်။ Narzo 20 Series ထဲမှာ Narzo 20 , Narzo 20A နဲ့ Narzo 20 Pro တို့ ပါလာမှာပါ။
Ref : gizmochina
