တရုတ်နိုင်ငံမှ သုတေသီများဟာ အလွန်တိကျတဲ့ လေဆာအခြေခံ ပုံရိပ်ဖော်စနစ်တစ်ခုကို တီထွင်ခဲ့ကြပါတယ်။ အဲဒီစနစ်က ၀.၈၅ မိုင်နီးပါးအကွာက ၃ မီလီမီတာအရွယ် စာလုံးတွေကို ဖတ်နိုင်စွမ်းရှိပြီး၊ အလင်းရဲ့ပြင်းအား ပြောင်းလဲမှုတွေကို အာရုံခံကိရိယာ အများအပြားကနေ စုဆောင်းကာ အသေးစိတ်ပုံရိပ်တွေ ပြန်လည်ဖော်ထုတ်ပေးတဲ့ intensity interferometry နည်းပညာကို အသုံးပြုထားပါတယ်။
နက္ခတ္တဗေဒက နည်းပညာတွေကို အသုံးချပြီး အဲဒီသုတေသနအဖွဲ့ဟာ အနီအောက်ရောင်ခြည် လေဆာရောင်ခြည် ရှစ်ခုသုံးကာ အဝေးက ပစ်မှတ်တွေကို အလင်းပေးခဲ့ပါတယ်။ အဲဒီလိုလုပ်ဆောင်တဲ့အတွက် ကြယ်တွေလို သဘာဝအလင်းရင်းမြစ်မရှိဘဲ လုပ်ဆောင်ဖို့ခက်ခဲတယ်လို့ ယခင်ကယူဆထားတဲ့ လေထုအတွင်းပုံပျက်ယွင်းမှုတွေကြားကပင် ကြည်လင်ပြတ်သားမှုမြင့်မားတဲ့ ပုံရိပ်ဖော်မှုကို ရရှိခဲ့ပါတယ်။
အဲဒီစနစ်ရဲ့ ဖြစ်နိုင်ခြေရှိတဲ့ အသုံးဝင်မှုတွေထဲမှာ အာကာသအပျက်အစီးတွေကို ခြေရာခံခြင်းလည်း ပါဝင်ပါတယ်၊ ရှေ့ဆက်လုပ်ဆောင်မယ့် မြှင့်တင်မှုတွေကတော့ ပိုမိုပြတ်သားတဲ့ သုံးသပ်ချက်တွေအတွက် AI ပေါင်းစပ်ထည့်သွင်းဖို့ ရည်ရွယ်ထားပါတယ်။ ကျွမ်းကျင်သူတွေကတော့ ဒီတီထွင်မှုကို အဝေးကြည့် ပုံရိပ်ဖော်နည်းပညာနယ်ပယ်မှာ ကြီးမားတဲ့ခုန်ပျံကျော်လွှားမှုတစ်ခုအဖြစ် ချီးကျူးနေကြပါတယ်။
Ref : Fossbytes
